Ungunza 2. Mvengele

“Mukala mvengele.”—MAKU 13:8.

● Yakala dimosi wayenda tinina kun’evata dia Quaratadji, kuna Níger. I bosi, muna kuma kia nzala, wan’andi ankazi ye abunzi andi awonso bayaluka muna mbanza Níger yo kwenda kun’evata diadi. Kansi, yakala diadi yandi mosi kaka kezinganga ye va lwandu kelekanga. Ekuma kezingilanga yandi mosi? Sidi, mfumu a vata diadi wavova vo: “Eyakala diadi kelendanga dikila esi nzo andi ko ye ke zolanga kubamona mu meso ko.”

MAMBU MEBWANGA NKIA ZIKU MESONGANGA? Mu nza yawonso, vana vena wantu 7, mosi kekalanga ye madia mafwana ko ke dia konso lumbu. O lutangu lwalu lusundidi o wokela muna nsi zakaka za África, vana vena wantu 3, mosi nzala kefwanga. Muna bakula e diambu diadi, yindula nzo ina yo se, ngudi yo mwan’a nsedia. Avo madia ma wantu wole kaka balendele, nani o fwa ye nzala? Se, ngudi yovo nsedia? Esi nzo yayi bekiyuvulanga e kiuvu kiaki lumbu yawonso muna ntangwa dia.

WANTU ADIEYI BETOMA VOVANGA? O ntoto uyimanga mbongo afwana mu dikila wantu awonso. Avo tusadidi e mbongo yayi mu mpila yambote, ke vena muntu ko o fwa ye nzala.

NGA E MVOVO MIAU MIALUDI? Dialudi vo avati a nsengo balenda kuna mbongo yayingi yo nata yo mu fulu yayingi ke mu tandu yavioka ko. Ayadi a nza bafwete kala ye ngangu za toma sadila e mbongo yiyimanga o ntoto muna fokola e nzala mu nza yawonso. Kana una vo betezanga wo vanga tuka kolo, kebelendanga fokola e nzala ko.

ADIEYI OBENZE? Nga e sono kia Maku 13:8 mu lungana kina? Kanele vo umbangu wa nza mu nungunuka una, ulolo wa wantu mu nza yawonso mu fwa bena ye nzala.

Nkumbu miayingi, e nzakama za ntoto ye mvengele utwasanga mambu makaka mesonganga e nsisu ya lumbu yambaninu. Tanga ungunza ulende.

[Mvovo mia Sina mina muna lukaya lwa 5]

“Yingyana-ngyana yayingi befwanga mu kuma kia kimbevo kia mpati, luta vumu ye yimbevo yakaka mpe ke badi fwa ko kele vo ke bakadi ye kimbevo kia nzala ko.”​—U KAVOVA ANN M. VENEMAN, MFUMU ANKENTO MUNA NKUBIKA YA ONU, OLUNDANGA NZIMBU ZA SADISILA WANA.

[Avwe a Foto muna lukaya lwa 5]

© Paul Lowe/​Panos Pictures