Ungunza 3. Mayela
Ungunza 3. Mayela
“Wantu . . . bebakama mayela mangolo.”—LUKA 21:11, Contemporary English Version.
● Bonzali, mfelemi owukanga nkangu mu nsi inwananga e vita mu África, wavanganga mawonso mu wuka atimi a matadi muna zunga kiandi ana bebakamanga kimbevo kia Marburg. * Lumbu kimosi walomba kuna lupitalu lwa mbanza bantwikila afelemi beza kunyikama muna salu, kansi kavewa mvutu ko. Ngonde yá zavioka, i bosi bantwikila afelemi, kansi Bonzali wafwa. Wasambukila kimbevo kia Marburg kwa mbevo ana kateza o wuka.
MAMBU MEBWANGA NKIA ZIKU MESONGANGA? E yimbevo ya mafulu nze kimbevo kia mpati, luta vumu, SIDA, nkovola ya lufulu ye malária, i yimbevo yitoma bangikanga o wantu. Mu mvu miavioka, yimbevo tanu yayi yavonda tezo kia 10.000.000 ya wantu. Mu mvovo miakaka, e yimbevo yayi yivondanga wantu 20 mu miniti mosi.
WANTU ADIEYI BETOMA VOVANGA? Wau vo lutangu lwa wantu mu nza yawonso mu wokela kaka lwina, e yimbevo yakaka mpe mu bundumuka yina. Vena ye wantu ayingi balenda sambukila yimbevo yayi.
NGA E MVOVO MIAU MIALUDI? O lutangu lwa wantu mu nza yawonso luwokele kikilu. O wantu bena ye ngangu za solola yimbevo ye wuka yo. Avo i wau, yimbevo nga ke yadi bangika diaka wantu ko. Kansi, ke diau ko divangamanga.
ADIEYI OBENZE? Nga wantu bebangikwanga kwa yimbevo nze una wasakulwa mu Nkand’a Nzambi?
Nzakama za ntoto, mvengele, ye mayela i mambu metoma bangikanga ulolo wa wantu. Mazunda ye mazunda ma wantu bemweswanga e mpasi kwa mfinangani zau, ndonga bebangikwanga kwa wantu ana bafwete kubatanina. Tala dina Nkand’a Nzambi uvovanga vo divangama.
[Mvovo Vana Yand’a lukaya]
^ tini. 3 Marburg i kimbevo kia vaika menga mu nitu, kiafwanana mpe ye kimbevo kia Ebola.
[Mvovo mia Sina mina muna lukaya lwa 6]
“Diampasi dikalanga mu diwa kwa nkosi yovo ma kiakaka, kansi diampasi mpe dikalanga mu diwa kwa kimbevo yo mona e mpasi kitwasanga kwa wantu awonso.”—U KAVOVA MICHAEL OSTERHOLM, OLONGOKANGA OMA MA VUKU.
[Avwe a foto muna lukaya lwa 6]
© William Daniels/Panos Pictures
