Bayikilwa vo “Wan’a Mwandazi”
Longa Wan’aku
Bayikilwa vo “Wan’a Mwandazi”
VAVA kinokanga e mvul’angolo, nanga owanga e mazu ma miandazi. Nga wonga omonanga?— * Kansi, o Yesu wayikila alandi andi wole vo “Wan’a Mwandazi.” Yambula twazaya ekuma.
Alandi awole awaya a Yesu i Yakobo yo Yoane. Mpangi yo mbunzi bakala, wana Zebedayo yo Salome. O Salome nanga nsang’a Maria wa ngudi a Yesu kakala. Yesu, Yakobo yo Yoane nanga yitu ye akundi bakala tuka kileke kiau.
Zebedayo mbaki a mbizi za maza kakala, o Yakobo yo Yoane mpe salu kiaki basalanga. Yau awole bakala muna wantu antete kasola Yesu mu kala alandi andi. Vava kababokela, vana vau bayambula salu kiau kia baka e mbizi yo kunlanda. I bosi, Yesu wasola alongoki 12 mu kala se ntumwa zandi. O Yakobo yo Yoane bakala muna buka kiaki.
Ngonde zakete kaka vitila kavondwa, Yesu y’alongoki andi mu nkangalu bakala yo viokela muna zunga kia Samaria. Wau vo se fuku, bayoya kikilu bakala. Kansi, esi Samaria ke bazola ko vo Yesu y’alongoki andi baleka muna mbanza au. Nga ozeye ekuma?—Yambula twazaya.
Yesu y’alongoki andi Ayuda bakala. Ndonga muna Ayuda ke bazolanga esi Samaria ko. Kansi, Yesu kakala ye fu kiaki ko. Wabazolanga, wavavanga mpe vo Yakobo yo Yoane bavanga diau adimosi. Kansi, alongoki wole awaya bafunga makasi wau vo esi Samaria ke bazola kubatambula ko, yo yuvula Yesu vo: ‘Nga ozolele twayika tiya twakulumuka kun’ezulu, twababukumun’e?’ Adieyi obenze, nkia mvutu kabavana o Yesu?— Wabavovesa vo dina bavova ke diambote ko. Diavavanga vo Yakobo yo Yoane balongoka diaka e fu kia songa e nkenda.
E fu kiakaka kiambi Yakobo yo Yoane basonga i kiavava kala vana fulu kiantete yo sunda akw’au. Ngonde zakete kaka vitila lufwa lwa Yesu, bazayisa ngudi au kenda vovesa Yesu vo: “Ovova vo, away’o wan’ame bevwanda, omosi kuna koko kwaku kwalunene, omosi kuna koko kwaku kwalumonso muna kintinu kiaku.” Vava alongoki 10 akaka bawá dina Yakobo yo Yoane bavanga, bafunga kikilu makasi. Ongeye mpe wadi funga makasi?—
Nanga wadi funga makasi. Yeto awonso ke tuyangalalanga ko vava akaka bevavanga kala vana fulu kiantete yo kuyibadikila vo basundidi akw’au o mfunu. Kuna kwalanda, Yakobo yo Yoane babakula vo fu kiambi bakala kiau, ye basoba e fu kiau. Antumwa awaya bakituka se akwa zola ye wantu ambote. Adieyi tulenda longoka muna diambu diadi?—
O Yesu utulongele vo oyeto mpe tufwete zolanga akw’eto. Yesu wazolanga wantu awonso, kumosi ye akala, akento yo wana. Nga ovanga mawonso muna sungamena yo landa mbandu andi?—
Tanga Muna Nkand’aku a Nzambi
Matai 27:55, 56; Maku 15:40, 41
Yoane 4:4-15, 21-26; Luka 9:51-55
Matai 20:20-24; Maku 10:35-37, 41
[Mvovo Vana Yand’a lukaya]
^ tini. 3 Avo yo mwan’aku otanganga yandi elongi diadi, e sinsu eki (—) kisonganga vo ofwete vunda yo kunlomba kasonga e ngindu zandi.
Nanga Oyangalela Mpe Malongi Mama
EYINGIDILU DIA NKANGU
Yesu Kristu—Aweyi Tufwete Kunsungamenanga?
Nga tufwete sungamenanga Yesu nze nsedia? “Wantu tatu a ngangu” ana bayenda kingula Yesu, aki nani bakala? O Yesu, adieyi kevanganga o unu?
EYINGIDILU DIA NKANGU
Nzambi Olenda Mona Ntantu—Aweyi Tulenda Kunyangidikila?
Nga ozeye wo vo olenda yangidika yovo kendeleka Yave? Zaya una mavangu ma Adami yo Eva makendelekela Yave.
EYINGIDILU DIA NKANGU
Adieyi Tulenda Longoka mu Kuma kia Kimpumbulu Kimosi?
Vava Yesu kafinamang’o fwa, wavovesa kimpumbulu ona wakala vana ndambu andi vo, ozingila muna Paradiso ova ntoto. Yesu adieyi kazola vova ye Paradiso aweyi ikadila?
EYINGIDILU DIA NKANGU
Petelo yo Anania Bavuna Adieyi Tulenda Longoka?
EYINGIDILU DIA NKANGU
