“Toma Lunga-lunga Ntim’aku!” Lukutakanu lwa Mvivu lwa Mbangi za Yave ntu a Diambu wa kia Tanu
“Toma Lunga-lunga Ntim’aku!” Lukutakanu lwa Mvivu lwa Mbangi za Yave ntu a Diambu wa kia Tanu
‘Yave Ntima Ketalanga’ —1 SAMUELE 16:7. NTU A DIAMBU WA KIA SABALA
“Muna Ulolo wa Ntima i Uvovelang’o Nua” —MATAI 12:34. NTU A DIAMBU WA KIA LUMINGU
“Sadila Yave yo Ntim’asikila” —1 TUSANSU 28:9.
Nkand’a Nzambi uyikanga o mvovo ntima tezo kia nkumbu funda. Nkumbu miayingi, o Nkand’a Nzambi ke uyikanga ntima una muna nitu a muntu ko, kansi ntim’a kimwanda uyikanga. Nki i ntim’a kimwanda? Ulenda yika kiwuntu kieto kia kati, ngindu, makani ye fu yeto.
Ekuma tufwete lunga-lungila ntim’eto a kimwanda? Nzambi wafila Solomo wa Ntinu mu soneka vo: “Toma lunga-lunga ntim’aku; Kadi muna i’tuku dia moyo.” (Ngana 4: 23) O ntim’eto a kimwanda ulenda vanga diambu muna zingu kieto kia unu ye kina kia kusentu. Ekuma? E kuma kadi o Nzambi ntima ketalanga. (1 Samuele 16:7) Ntima wau i kiwuntu kieto kia kati, “wuntu waswekama wa ntima,” wau usonganga una Nzambi kekutubadikilanga.—1 Petelo 3:4.
Aweyi tulenda lunga-lungila ntim’eto? E kiuvu kiaki kivaninwa e mvutu muna tukutakanu twa mvivu twa Mbangi za Yave tuvangama mu nz’amvimba, tuyantika mu ngonde yayi. Ye kiese kiawonso tubokele mu kwiza ku lukutakanu lwalu lwa mvivu, lumbu yau tatu. * Mana olongoka mekusadisa mu vanga mambu meyangidika ntim’a Yave wa Nzambi.—Ngana 27:11.
[Mvovo Vana Yand’a lukaya]
^ tini. 7 Muna zaya e fulu kia lukutakanu lwa mvivu, tala muna nzila ya Internete www.pr418.com. Olenda mpe mokena ye Mbangi za Yave muna zunga kieno yovo soneka kw’awana bevaikisanga Eyingidilu diadi.
[Mvovo mia Fwaniswa mina muna lukaya lwa 32]
Photo on right: Aus dem Fundus der MÜNCHNER OLYMPIAPARK GMBH, München
