Kuna Kwa Atangi Eto
Eyingidilu otanganga owau, diayantika vaikiswa tuka mu ngonde a Yuli ya mvu wa 1879. Wau vo tuka muna mvu wauna mambu soba mesobanga, Eyingidilu diadi mpe soba disobanga. (Tala mafoto ova ntandu.) Tuka muna ngonde yayi, omona e nsobani muna mpwa Eyingidilu. Nkia diambu disobele?
Muna nsi zayingi, ndonga bezolanga tanga mambu muna internete. Muna sazu kiawonso, balenda tanga malongi mayingi muna internete. Wantu balenda tanga Eyingidilu, Despertai! ye nkanda miakaka mpe muna internete.
Wau vo ndonga bezolanga tanga mambu muna internete, tusobele mpwa ya site eto, www.pr418.com, kimana wantu basolola malongi mu nzaki zawonso. Balenda tanga nkanda mieto mu vioka 430 ma ndinga. Tuka muna ngonde yayi, malongi makaka mavaikanga mun’Eyingidilu ye Despertai! ke menietekwa diaka ko, muna internete kaka mekala siwa. *
Wau vo malongi mayingi meyantika siwa muna internete, Eyingidilu dia nkangu dikeveswa, dikala nietekwa ye makaya 16. Owau Eyingidilu disekolwanga mu ndinga 204. Wau vo dikeveso, ke dikala diampasi ko mu sekolwa muna ndinga zayingi.
Tuna ye vuvu vo e nsobani zazi zikutusadisa mu samuna e nsangu za Nkand’a Nzambi zivuluza mioyo mia wantu ayingi. Tukwamanana vaikisa malongi mamfunu mekala nietekwa ye makaka mekala siwa muna internete kimana matwasa e nluta kwa atangi eto ana bezitisanga Nkand’a Nzambi ye bazolele toma zaya adieyi kieleka ulonganga.
Amwangi
^ tini. 5 Tala ntu mia malongi meyantika siwa muna nzila ya internete: “Kuna Kw’aleke,” elongi diadi disadisanga aleke mu kala ye nkubika y’elongi dia Nkand’a Nzambi. “Malongi ma Nkand’a Nzambi mu Kuma kia Wana,” elongi diadi divaikiswanga mu sadisa mase balonga wan’au yamuna kimbuta kia mvu 3.
Nanga Oyangalela Mpe Malongi Mama
SALU KIA VAIKISA E NKANDA
Video: Eyingidilu—Divaikiswanga tuka mvu wa 1879
Tala una e zulunalu ilutidi vaikiswa ova nza yasobelwa e mpwa mu mvu miviokele.
