NTU A DIAMBU WA FUKWA: ADIEYI TULENDA LONGOKA MU KUMA KIA MOSE
O Mose Nani Kakala?
Adieyi osungamenanga vava owanga nkumbu, Mose? Nga oyindulanga vo i . . .
-
nsedia ndiona waswekwa mu nkela kwa ngw’andi muna Nzadi a Nile?
-
kindende kiasanswa muna kimvwama kia Engipito kwa mwan’a Faro, kansi kavilakana ko vo yandi Nyisaele kakala?
-
muntu wakala se mvungudi a mameme kuna nsi a Midiani mu mvu 40?
-
muntu wamokena yo Yave * vana nti walemanga?
-
muntu wamokena yo ntinu a Engipito yo kunlomba kuna unkabu wawonso vo kavevola Aneyisaele muna ubundu?
-
muntu wazayisa Vuku Kumi yalwakila Engipito vava ntinu a nsi yayina katianguna Nzambi aludi?
-
muntu wavaikisa Aneyisaele muna Engipito?
-
muntu wavambanesa Mbu Ambwaki?
-
muntu wavana Aneyisaele Nkanikinu Kumi emi miatuka kwa Nzambi?
MOSE wavanga mambu mama mawonso ye makaka mpe. E kiaki i kuma Akristu, Ayuda ye akwa dibundu dia Muçulmano betoma zitisilanga selo kiaki kia kwikizi.
Ka lukatikisu ko vo Mose i ngunza wavanga ‘mavangu mansisi.’ (Nsiku 34:10-12) Wayambula vo Nzambi kansadila mu mpila y’esivi. Kansi, kakala waswaswana ko yo wantu akaka. O Mose wakala ‘muntu nze yeto,’ nze Eleya wa ngunza ona wasengomoka yo Mose muna mona-meso kia Yesu ova ntoto. (Yakobo 5:17; Matai 17:1-9) O Mose wanwana ye mambu mayingi mampasi nze yeto, kansi walenda mo sunda.
Nga ozolele zaya una kasundila mo? Badika fu tatu yambote kasonga o Mose ye dina tulenda longoka mu kuma kia mbandu andi.
^ tini. 7 Yave, i nkumbu a Nzambi nze una yasengomonwa muna Nkand’a Nzambi.
