Mvutu za Yuvu ya Nkand’a Nzambi
Nga vena ye vuvu mu kuma kia mafwa?
O lufwa luna nze tulu. Avo muntu ofwidi ke zayanga diaka diambu ko. O Mvangi a moyo, olenda fula wantu afwa kimana bazinga diaka. Muna songa e ziku kia diambu diadi, Nzambi wavana e wisa kwa Yesu kimana kafula mafwa.—Tanga Kimpovi 9:5; Yoane 11:11, 43, 44.
Aweyi lufwa lwinina nze tulu?
Nzambi wasia nsilu vo ovutulwisa moyo kw’awonso bena muna nyindu andi yo zingila muna nz’ampa ya unsongi. Awana befulwa, bafwete vingila yavana kilwaka e ntangwa ina Nzambi kasikidisa muna fula mafwa. Nzambi wa Mpungu-ngolo una yo luzolo lwa fula mafwa.—Tanga Yobi 14:14, 15.
O lufuluku aweyi lukadila?
Wantu ana kefula o Nzambi, bekuyisungamena ye mpe besungamena akundi y’esi nzo au. Kana una vo e nitu za wantu afwa zawola, Nzambi okubavangulula ye nitu zampa.—Tanga 1 Korinto 15:35, 38.
Wantu akete kaka befulwanga yo zingila kun’ezulu. (Lusengomono 20:6) Ayingi muna awana befulwa, bezingila mu paradiso ova ntoto. Besinga vevwa zingu kiampa ye vuvu kia zinga yakwele mvu.—Tanga Nkunga 37:29; Mavangu 24:15.
Nanga Oyangalela Mpe Malongi Mama
MVUTU ZA YUVU YA BIBILA
Nani Okwenda Kuna Zulu?
Wantu ayingi bena ye ngindu zabendomoka vo wantu awonso ambote ku zulu bekwenda. Adieyi kieleka Bibila kilonganga?
