Mvutu za Yuvu ya Nkand’a Nzambi
Nga Nkand’a Nzambi i Diambu dia Nzambi kikilu?
Nkand’a Nzambi ke ulendi tezaneswa ye nkanda miakaka ko. O unu, mafunda ye mafunda ma Nkand’a Nzambi minietekwanga mu ndinga zayingi. Nkand’a Nzambi uvwidi nkuma wasoba e zingu kia wantu.—Tanga 1 Tesalonika 2:13; 2 Timoteo 3:16.
Tuna ye ziku vo Nkand’a Nzambi kwa Nzambi watuka kadi usakulanga mambu mebwa kuna sentu. Ka vena muntu ko olenda wo vanga. Badika nona kia nkanda Yesaya. Kopi kimosi kia nkanda wau kiasonekwa vitila luwutuku lwa Yesu kiasololwa muna nduku a Mbu Afwa. O nkanda wau wayika vo mbanz’a Babele ke yadi zingila diaka muntu ko. Ungunza wau walungana vioka mvu miayingi mia salu kia umbangi kia Yesu ova ntoto.—Tanga Yesaya 13:19, 20; 2 Petelo 1:20, 21.
Aweyi Nkand’a Nzambi wasonekenwa?
Nkand’a Nzambi, mu kolo kia mvu 1.600 wasonekwa. Tezo kia wantu 40 basoneka o Nkand’a Nzambi. Mana basoneka ngwizani makala, ntu a diambu umosi kaka bavovela. Aweyi ediadi diavangamena? Nzambi wabafila.—Tanga 2 Samuele 23:2.
Ezak’e ntangwa, Nzambi wasadilanga mbasi, mona-meso ye ndozi muna vovana y’asoneki. Nkumbu miayingi, Nzambi wakotesanga ngindu zandi muna nyindu wa nsoneki yo yambula vo kasadila mvovo miandi muna samuna nsangu za Nzambi.—Tanga Lusengomono 1:1; 21:3-5.
Nanga Oyangalela Mpe Malongi Mama
MVUTU ZA YUVU YA BIBILA
Nga Nkand’a Nzambi mu Ngangu za Wantu Wasonamena?
Tala dina kevovanga Nkand’a Nzambi.
ESSENTIAL BIBLE TEACHINGS
Nani i Nsonekesi a Nkand’a Nzambi?
Wau vo wantu basoneka wo, ekuma Nkand’a Nzambi uyikilwanga vo Diambu dia Nzambi? Nkia mambu mena muna Nkand’a Nzambi?
