Mvutu za Yuvu ya Nkand’a Nzambi
Ekuma tufwete sambilanga vo Kintinu kia Nzambi kiza?
Kintinu kia Nzambi i luyalu lwa zulu. Yesu wazayisa alongoki andi basambanga vo kintinu kiza, kadi kintinu kiaki kivutulwisa unsongi yo luvuvamu ova ntoto. Ke vena luyalu lwa wantu ko lulenda fokola o nsoki, umpumbulu ye mayela, kansi Kintinu kia Nzambi kifokola mawonso mama. Nzambi wasola mwan’andi Yesu mu kala se Ntinu a Kintinu kiandi. Yave wasola mpe akaka muna alongoki a Yesu bayala yandi muna Kintinu kiaki.—Tanga Luka 11:2; 22:28-30.
Ke kolo ko, Kintinu kia Nzambi kifwasa awonso bekolamenanga luyalu lwa Nzambi. Vava tusambanga vo Kintinu kia Nzambi kiza, tulombanga vo Kintinu kiaki kiavinga vana fulu kia luyalu lwa wantu.—Tanga Daniele 7:13, 14; Lusengomono 11:15, 18.
Nkia nluta kitwasa Kintinu kia Nzambi?
Wau vo Yesu nkwa nkenda, wafwana mu kala Ntinu a Kintinu kia Nzambi. Wau vo Mwan’a Nzambi, ovwidi nkuma wasadisa awonso belombanga lusadisu lwa Nzambi.—Tanga Nkunga 72:8, 12-14.
Kintinu kia Nzambi kisadisa awonso belombanga kio yo zingila ngwizani yo luzolo lwa Nzambi. Avo ovaudi e ntangwa muna longoka dina Bibila kivovanga mu kuma kia Kintinu kia Nzambi, kusinga kuyibanza nkutu ko.—Tanga Luka 18:16, 17; Yoane 4:23.
