NTU A DIAMBU WA FUKWA | NGA SATANA UNA KIELEKA?
Nga Satana Una Kieleka?
“Ku mbanza El Salvador yasansukila. Vava yakolamanga, ngudi ame wanzayisanga vo: ‘Tala Nkadi Ampemba olweke!’ Yamvutulanga vo: ‘Yambula keza!’ Yakwikilanga muna Nzambi, kansi kiakwikilanga muna Satana ko.”—ROGELIO.
Nga okwikilanga muna mvovo mia Rogelio? Muna mambu malende, mu nkia diambu okwikilanga?
-
Satana kena ko. Satana i mbi ina muna ntim’a muntu.
-
Satana una, kansi ke vanganga mbi ko.
-
Satana vangwa kia mwanda kia nkuma ona ovukumunanga wantu.
Vena ye mafunda ye mafunda ma wantu bekwikilanga muna mambu mama. Nga ozaya e mvutu za sikididi mfunu kikilu dina? Avo Satana kena ko awana bekwikilanga vo una, vuna bekuyivunanga. Avo Satana una kansi ke vanganga mbi ko, ke dina mfunu ko muna kumwena o wonga. Avo Satana vangwa kiambi, disongele vo osundidi o bi una wantu balenda yindula.
Yambula twazaya una Nkand’a Nzambi uvaninanga e mvutu za yuvu eyi: Nga Satana vangwa kia mwanda yovo i mbi ina muna ntima muntu? Avo Satana muntu, nga nkwa vonza kwa ngeye? Avo i wau, aweyi olenda kuyitanina?
