NTU A DIAMBU WA FUKWA | OLENDA KALA YE NGWIZANI AMBOTE YO NZAMBI
O Kala Nkundi a Nzambi i Diambu Disundidi o Wete
Adieyi ofwete vanga muna kala nkundi a Nzambi? Mambu tatu tubadikidi malenda kusadisa mu kala ye ngwizani ambote yo Nzambi:
-
Zaya yo sadila e nkumbu a Nzambi, Yave.
-
Mokenanga yo Nzambi muna sambu yo longoka Diambu diandi.
-
Kwamanana vanga mana meyangidikanga Yave.
Nga olungisanga mawonso mama muna finama Nzambi? Nga vena ye diambu ofwete singika? Ngolo divavanga muna lungisa mambu mama, kansi badika e nluta dilenda kutwasila.
Jennifer kuna Estados Unidos wavova vo: “E ngolo zawonso ovanga muna kala ye ngwizani ambote yo Nzambi nluta ye nsambu zayingi zikutwasila. E ngwizani yayi, isadisanga mpe mu bunda Nzambi e vuvu, zaya kiwuntu kiandi una ufwene yo toma kunzola. O kala nkundi a Nzambi i diambu disundidi o wete!”
Avo zolele kala ye ngwizani ambote yo Nzambi, Mbangi za Yave bekala ye kiese kia kusadisa. Balenda vanga e nkubika yalongoka yaku e Bibila lembi futa nzimbu. Olenda kwenda mpe muna tukutakanu twau muna Seka dia Kintinu. Muna tukutakanu twatu, owanana yo wantu beyangalelanga e ngwizani au yo Nzambi. * Avo ovangidi wo, omona e ziku kia mvovo mia ntozi a nkunga ona wavova vo: “Vo i mono, o finama Nzambi i wete oku ngina.”—Nkunga 73:28.
^ tini. 9 Muna lomba longi dia Bibila yovo zaya Seka dia Kintinu dina lukufi ye nzo aku, mokena yo muntu uvene nkanda wau yovo kota muna nzil’eto muna internete muna www.pr418.com/kwy. Yovo twika ndomb’aku muna nzila zina vana lukaya lwa 2.