Vioka 3.000 ma mvu, nkwa ngangu mosi wasoneka vo: “E mpanga yavangwa yambubu, yesivi.” (Nkunga 139:14) Vava obadikanga e mpila ina nsedia kenungunukinanga muna vumu, nga ke dikusivikisanga ko? Wantu ayingi bekwikilanga vo vena yo Mvangi a má yawonso ya moyo.​—Tanga Nkunga 139:13-17; Ayibere 3:4.

Ndiona wavanga o nsema, wavanga mpe ntoto yo moyo. (Nkunga 36:9) Omokenanga yo wantu yo kutuzayisa mayingi mu kuma kiandi.​—Tanga Yesaya 45:18.

E nitu eto yafwanana ye ya bulu mu mpila zayingi. E kuma kadi wantu ye bulu bavangwa muna zingila ova ntoto. Nzambi wavangila muntu antete muna ntoto ke mu bulu ko.​—Tanga Etuku 1:24; 2:7.

Wantu baswaswana ye bulu mu mpila zole. Entete, wantu bena ye ngangu za zaya, zola yo zitisa Mvangi. Diazole, e bulu ke yavangwa ye kani dia zinga yakwele mvu ko, kansi wantu bavangwa ye kani dia zinga yakwele mvu. Kansi owau, wantu awonso befwanga mu kuma kia sumu basambukila kwa muntu antete ona wayambula lemvokela luludiku lwa Mvangi.​—Tanga Etuku 1:27; 2:15-17.