Azeyi i mvutu zaku?

• Ingeta

• Nkatu

• Nanga

Adieyi Nkand’a Nzambi Uvovanga

“Ke difwene kwa Nzambi ko, kavanga umpumbulu; Mpungu-ngolo kavanga vilwa.” (Yobi 34:10) Ke Nzambi ko otwasanga e mpasi yo umpumbulu tumonanga ova nza yayi.

Nkia mambu mankaka tulenda longoka muna Nkand’a Nzambi?

• Satana wa Nkadi ampemba yandi i “nkuluntu a nza yayi,” yandi otwasanga e mpasi ova nza.—Yoane 14:30.

• E nzengo zambi zina o wantu bebakanga zikubatwasilanga mpe e mpasi muna zingu.—Yakobo 1:14, 15.

Ankaka bekwikilanga vo o wantu balenda fokola e mpasi muna salanga e ntwadi, vo i akaka bemonanga vo e nza yayi ke itoma diaka ko kadi e mpasi zisakidi kwayingi. Adieyi obenze?

Adieyi Nkand’a Nzambi Uvovanga

Nzambi ofokola e mpasi. “Lufwa ke lukala diaka ko, ngatu kala diaka dilu, yovo kazu ngatu mpasi.”—Lusengomono 21:3, 4.

Nkia mambu mankaka tulenda longoka muna Nkand’a Nzambi?

• Nzambi osadila Yesu kimana kafokola e mpasi zawonso tumweswanga kwa Nkadi ampemba.—1 Yoane 3:8.

• Nkangu a Nzambi uzinga mu luvuvamu ova nza yakwele mvu. —Nkunga 37:9-11, 29.