1 Korinto 8:1-13
8 Muna kuma kia yimenga ya teke: Yeto awonso tuzeye wo vo tuna yo zayi. O zayi tundidika utundidikanga, kansi o zola kumika kukumikanga.
2 Avo muntu obenze vo diambu kazeye, kazayidi dio mu mpila ina kafwete dio zayila ko.
3 Kansi avo muntu ozolele Nzambi, i yandi ozayakene kwa Nzambi.
4 Vo i diambu dia dia yimenga ya teke, tuzeye wo vo e teke má kiankatu kwandi ova nza, kadi Nzambi mosi kaka.
5 Kana una vo vena ye awana beyikilwanga vo nzambi, kana kuna zulu yovo ova nsi, wau vo “nzambi” zayingi zina, e “mfumu” mpe zayingi,
6 kansi oku kwa yeto, Nzambi mosi kaka, wa Se dieto, una vo i tuku dia lekwa yawonso, oyeto mpe muna yandi; Mfumu mosi mpe, Yesu Kristu, muna yandi e lekwa yawonso inina, oyeto mpe muna yandi.
7 Kansi, ke awonso ko bena yo zayi wau. Ankaka wau vo teke bateka sambilanga, vava bedianga e mbizi bemonanga nze yau bedianga kimenga kia teke, e ntona zau wau zatovoka, zisafukidi.
8 O dia ke kulendi kutufinamesa kwa Nzambi ko; avo ke tudidi ko, ke tusundidi sukama ko, avo tudidi, ke tuvueme ko.
9 Nutoma tala kimana o nsw’eno wa kuyisolela walembi kala se sakuba kw’awana batovoka.
10 Kadi ongeye una yo zayi avo muntu umwene ekolo odianga muna tempelo ya teke, e ntona za ndiona watovoka,* nga ke zikumfila ko mu dia yimenga ya teke?
11 Dianu vo, muna zayi waku ofwasidi ndiona watovoka, mpangi aku ona Kristu kafwila.
12 Vava nusumukinanga mpangi zeno muna mpila yayi yo lweka ntona zau zatovoka, Kristu nusumukinanga.
13 Dianu vo, avo o dia kutesese mpangi ame sakuba, kilendi dia diaka e mbizi ko, kimana yalembi tesesa mpangi ame sakuba.
Mvovo vana yand'a lukaya
^ Yovo “wayoya.”
