Wantete wa Ntinu 4:1-34
4 Solomo wa Ntinu oyadidi Isaele yawonso.+
2 Awaya i mbanda-mbanda zandi:* Azareya wa mwan’a Sadoke+ i nganga;
3 Elekorefe yo Akiya wan’a Sisa i asoneki;+ Yosafate+ wa mwan’a Akiludi i nsoneki a lusansu;
4 Benaya+ wa mwan’a Yoyada i mfumu a makesa; Sadoke yo Abiata,+ anganga;
5 Azareya wa mwan’a Natani+ i mfidi a nguvulu za mvivu; Zabude wa mwan’a Natani i nganga ye nkundi a ntinu;+
6 Akisa yandi wavitang’o ntu muna nzo; Adonirami+ wa mwan’a Abada yandi wavitang’o ntu muna awana basalanga e salu yangolo.+
7 Solomo nguvulu 12 kakala zau muna Isaele yawonso ana bavananga madia kwa ntinu ye nzo andi. Konso nguvulu ngonde mosi kavananga madia muna mvu.+
8 Ezazi i nkumbu zau: Mwan’a Kure, muna zunga ya miongo mia Eferaime;
9 mwan’a Dekele kuna Makasi, Salebimi,+ Bete-semese yo Elonebete-kanani;
10 mwan’a Esede, kuna Arubote (yandi watuminanga Soko ye nsi yawonso ya Kefe);
11 mwan’a Abinadabi kuna miongo miawonso mia Dore (Tafate wa mwan’ankento a Solomo, okedi se nkaz’andi);
12 Bana wa mwan’a Akiludi, kuna Tanaki, Mengido+ yo mvivu wawonso wa Bete-sana,+ vana ndambu a Saretani kuna yand’a Yizerele, tuka kuna Bete-sana yaku Abele-mekola yakuna mvivu wa Yokemame;+
13 mwan’a Ngebe, kuna Ramote-ngiladi+ (yandi watuminanga mavata ma saba ma Yaire+ wa mwan’a Manase kuna Ngiladi;+ yandi mpe watuminanga mvivu a Arengobe+ una kuna Basani:+ Mbanza 60 zanene zakala ye yaka ye mbindi za nsongo);
14 Akinadabi wa mwan’a Ido kuna Makanaimi;+
15 Akimasi, kuna Nafetali (wabonga Basemati wa mwan’ankaka a Solomo se nkaz’andi);
16 Bana wa mwan’a Kusai kuna Asere ye Balote;
17 Yosafate wa mwan’a Paruka kuna Yisakare;
18 Simei+ wa mwan’a Ela kuna Benyamini;+
19 Ngebe wa mwan’a Uri kuna nsi a Ngiladi,+ nsi a Sikone+ wa ntinu a Aneyamore yo Onge+ wa ntinu a Basani. Vakala mpe ye nguvulu watuminanga nguvulu zawonso za mvivu miami mia nsi.
20 O nkangu a Yuda ye Isaele wayingi kikilu wakala nze senge vana kumu dia kalunga;+ banuanga yo dia yo mona kiese.+
21 O Solomo wayala yintinu yawonso tuka kuna Nzadi*+ yakuna nsi ya Afelesetia yakuna mwingilu a Engipito. Batwasanga mpaku yo sadila Solomo e lumbu yawonso ya zingu kiandi.+
22 O madia ma Solomo ma konso lumbu, nzongo* 30 mia mfumfu yambote ye nzongo 60 mia mfumfu,
23 ngombe 10 za mazi, 20 ma ngombe zadilanga muna madilu, 100 mameme, kumosi ye nkayi ye mvudi ye yimpiti ye mayembe ma mfinda ma mazi.
24 Kadi wakala ye wisa muna yawonso ku simu diadi dia Nzadi,*+ tuka kuna Tifesake yakuna Ngaza+ kumosi ye ntinu miawonso ku simu diadi dia Nzadi; wakala ye luvuvamu muna mvivu miawonso mianzieta.+
25 Yuda yo Isaele bakala mu luvuvamu, konso muntu kuna nsi a nsing’andi a vinyu ye kuna nsi a nsand’andi, tuka kuna Dani yakuna Bere-seba, muna lumbu yawonso ya Solomo.
26 Solomo wakala ye 4.000* ma masuku ma lundila mvalu mu kuma kia makalu mandi ma vita ye 12.000 ma mvalu.*+
27 E nguvulu zazi yau bavananga madia kwa Solomo wa Ntinu ye awonso ana badilanga vana meza ma Solomo wa Ntinu. Konso nguvulu ngonde mosi kavananga madia yo vanga mawonso kimana valembi kondwa lekwa.+
28 Batwasanga mpe mbongo a bale ye titi yadikila mvalu ye mvalu mia makalu konso kuna bakala, konso muntu muna kiyekwa kiandi.
29 Nzambi ovene Solomo ngangu ye umbakuzi wayingi ye ntim’a umbakuzi wakondwa e tezo* nze senge vana kumu dia kalunga.+
30 E ngangu za Solomo zisundidi ngangu za wantu awonso a Este ye ngangu zawonso za Angipito.+
31 Osundidi wantu awonso e ngangu, osundidi Etane+ wa Nyezera ye Emane,+ Kalekole+ yo Danda yo wan’a Makole; e tunda diandi dilweke muna zula yawonso yanzieta.+
32 3.000 ma yingana+ kasoneka,* o lutangu lwa nkunga+ miandi, 1.005.
33 Wavovela oma ma nti, tuka nsedele ina muna Lebanone ye isopo+ imenanga muna yaka; wavovela oma ma bulu,+ nuni,*+ lekwa iyatatanga+ ye mbizi za maza.
34 Wantu muna zula yawonso bayizanga muna wá e ngangu za Solomo, kumosi ye ntinu miawonso mia nza ana bawá oma ma ngangu zandi.+
Mvovo vana yand'a lukaya
^ Yovo “akuluntu andi.”
^ I sia vo, Uferate.
^ I sia vo, kuna weste ya Uferate.
^ O lutangu lwalu luna muna ngungu zankaka zankulu ye muna sono yankaka ivovelanga e diambu diadi. E ngungu zankaka zankulu ziyikanga vo 40.000.
^ Yovo “akwa mvalu.”
^ Yovo “ntim’anene.”
^ Yovo “yingana kata.”
^ Yovo “vangwa itilumukanga.”
