Wantete wa Samuele 11:1-15
11 Nakasi wa Nyamone+ wizidi sikidisa e ndo kanuanisa Yabese+ muna Ngiladi. Esi Yabese yawonso bavovese Nakasi vo: “Kanga yeto e kangu twasadila.”
2 Nakasi wa Nyamone ubavovese vo: “Muna kanga yeno e kangu, edi nufwete vanga: meso meno malunene mafwete tobolwa kimana diakala se luvezo muna Isaele yawonso.”
3 Akuluntu a Yabese bamvutwidi vo: “Utuvana lumbu nsambwadi twatuma anati a nsangu muna mvivu miawonso mia Isaele. Avo kavena muntu ko okutuvuluza, i bosi tukuyitambika kwa ngeye.”
4 Anati a nsangu balweke kuna Ngibeya+ a Saulu yo samuna mambu mama muna matu ma nkangu, o nkangu wawonso udididi muna nding’angolo.
5 Saulu otukidi kuna kiana yo kwiza kuna nim’a kambi. Saulu oyuvuidi vo: “Nkia diambu dibwididi o nkangu? Ekuma bedidilanga?” Bansamunuini dina esi Yabese bavova.
6 Vava Saulu kawidi mambu mama, mwand’a Nzambi unkumikini,+ ofungidi kikilu makasi.
7 Obongele ngombe zole, ozengele zo tini-tini, otwikidi yo muna mvivu miawonso mia Isaele muna moko ma anati a nsangu, oku vo: “Konso ona olembi vaika kalanda Saulu yo Samuele, i wau wuwu uvangwa e ngombe zandi.” O wonga wa Yave ubwididi nkangu, muna kuma kiaki, awonso bavaikidi ye kani dimosi.*
8 Saulu otangidi nkangu wawonso kuna Bezeke, vakedi 300.000 ma Aneyisaele ye 30.000 ma Ayuda.
9 Bavovese anati a nsangu ana bayiza vo: “I wau wuwu nuvovesa esi Yabese muna Ngiladi, ‘O mbazi vava mwini ubaya, oyeno nuvuluzwa.’” I dianu vo, anati a nsangu balweke, basamwini dio kwa esi Yabese, bayangalele kikilu.
10 I bosi, esi Yabese bavovese Aneyamone vo: “Mbazi tukuyitambika kwa yeno, nuatuvanga konso una nuzolele.”+
11 Muna lumbu kialanda, Saulu ovambwidi wantu mu buka tatu, balweke muna ndo muna ngingila ya mene-mene,* bayantikidi vonda Aneyamone+ yavana mwini wabaya. Ana basala bamwangane, konso muntu ye nzil’andi.
12 I bosi, nkangu uvovese Samuele vo: “Nani ovovele vo, ‘Nga Saulu okutuyala?’+ Twasa wantu awaya, twabavonda.”
13 Saulu ovovele vo: “Ke vevondwa muntu ko o unu kiaki,+ kadi o unu Yave ovulwizi Isaele.”
14 I bosi, Samuele ovovese nkangu vo: “Twenda kuna Ngilengale+ twatoma sikidisa e kintinu.”+
15 O nkangu wawonso wele kuna Ngilengale, vava balueke muna Ngilengale bakitwidi Saulu se ntinu vana vena Yave. Batambikidi yimenga ya ungudi vana vena Yave,+ Saulu yo nkangu wawonso a Isaele bakembele ye kiese kiayingi.+
Mvovo vana yand'a lukaya
^ Mvovo wa sina: “nze muntu mosi.”
^ I sia vo, mu tezo kia ola ya 2 yakuna ola ya 6 ya mene.