Wantete wa Samuele 12:1-25
12 Samuele ovovese Isaele yawonso vo: “Tala, mpangidi* mawonso nuampovese, inuyadikidi ntinu.+
2 Owau ndioyu i ntinu okunuyala!*+ Vo i mono, ndunini kwame, o ntu ame uzele ye mvu. O wan’ame bena yeno.+ Ikunufilanga tuka kileke kiame yamu unu kiaki.+
3 Mon’oyu. Nunsila kimbangi vana ndose a Yave ye kuswa kiandi:+ Ngombe a nani yovo buluku dia nani yabonga?+ Nani yayiya? Nani yabangika? Va koko kwa nani yatambulwila mbabu* kimana yazima meso mu mana kavanga?+ Avo i wau yavanga, ikunuvutulwila yo.”+
4 Bavovele vo: “Kwatuyiya ko, kwatubangika ko ngatu tambula lekwa va moko ma konso muntu.”
5 Samuele ubavovese vo: “Yave i mbangi ame vovo nuina, e kuswa kiandi mpe mbangi o unu, wau nulembi solola e kuma omu mono.”* Bavutwidi vo: “Nzambi i mbangi.”
6 Samuele ovovese nkangu vo: “Yave ona wasadila Mose yo Arone yo vaikisa mase meno muna Engipito+ i mbangi.
7 Owau nutelama, yanufundisa vana ndose a Yave muna mavangu mawonso mansongi kavanga o Yave kwa yeno ye mase meno.
8 “Yakobo vava kalwaka kuna Engipito,+ o mase meno baboka kwa Yave,+ o Yave watuma Mose+ yo Arone, ana bavaikisa mase meno muna Engipito yo kubalwakisa va fulu kiaki bazingila vo.+
9 Kansi bavilakana Yave wa Nzambi au, wabateka+ vana moko ma Sisera+ wa mfumu a makesa ma Kaso ye vana moko ma Afelesetia+ ye vana moko ma ntinu a Moabe+ yo kubanuanisa.
10 Babokele Yave,+ oku vo: ‘Tusumukini,+ kadi tuyambwidi Yave yo sadila teke ya Bale+ ye teke ya Asetorete;+ owau utuvuluza vana moko ma mbeni zeto kimana twasadila.’
11 I bosi, Yave watuma Yerubale,+ Bedane, Yefeta+ yo Samuele+ banuvuluza vana moko ma mbeni zeno zawonso zanuzunga kimana nuazingila muna luvuvamu.+
12 Vava nuamona vo Nakasi+ wa ntinu a Aneyamone wizidi kanunuanisa, nuasiandama kumpovesa vo: ‘Ke wau ko, oyeto ntinu kaka tuzolele!’+ kana una vo Yave wa Nzambi eno wakala se Ntinu eno.+
13 Owau, nutala ntinu nusolele, ona nulombele. Nutala! o Yave unuyadikidi o ntinu.+
14 Avo nuvumina Yave,+ nuansadila+ yo lemvokela nding’andi,+ yo lembi kolamena lutumu lwa Yave, oyeno yo ntinu ona okunuyala, nualanda Yave wa Nzambi eno, diambote dikala.
15 Kansi, avo ke nulemvokela nding’a Yave ko yo kolamena lutumu lwa Yave, ozevo o koko kwa Yave mpasi kukunuvanga ye mase meno.+
16 Owau, nutelama, nuamona diambu dianene kevanga o Yave vana meso meno.
17 Eyayi nga ke nsungi a kutika witi ko e? Ibokela Yave kimana katwika miandazi ye mvula; nuazaya wo yo bakula vo diambu diambi nuvangidi vana meso ma Yave wau nulombele ntinu.”+
18 Samuele obokele Yave, o Yave otwikidi miandazi ye mvula e lumbu kiakina, o nkangu wawonso umwenene kikilu Yave yo Samuele o wonga.
19 Nkangu wawonso uvovese Samuele vo: “Samba kwa Yave wa Nzambi aku mu kuma kia ntaudi zaku,+ ke tuzolele fwa ko, kadi tukudikidi sumu vana ntandu a masumu meto mawonso wau tulombele ntinu.”
20 Samuele ovovese nkangu vo: “Ke numoni wonga ko. Diambi kikilu nuvangidi. Kansi, ke nuyambula landa Yave ko,+ nusadila kaka Yave ye ntim’eno wawonso.+
21 Ke nuvengomoki ko mu landa lekwa yampavala,+ ke ina mfunu ko,+ ina ke ilendi kunuvuluza ko, kadi yampavala kwandi.
22 Yave ke bembola nkangu andi ko+ mu kuma kia nkumbu andi anene,+ kadi Yave wabaka nzengo za kunusola nuakala se nkangu andi.+
23 Vo i mono, kisumukina nkutu Yave ko muna lembi samba muna wete dieno. Ikunulongela kaka muna nzil’ambote ye yansongi.
24 Nuvumina kaka Yave+ yo kunsadila ye kwikizi* ye ntim’eno wawonso, kadi numwene mambu manene kavangidi oku kwa yeno.+
25 Kansi, avo nubâdisi e ntima mieno muna vanga mambu mambi, fukiswa nufukiswa+ yo ntinu eno.”+
Mvovo vana yand'a lukaya
^ Mvovo wa sina: “ngwidi nding’eno muna.”
^ Mvovo wa sina: “okangalela vovo nuina.”
^ Yovo “nzimbu; mfutu walembi songa.”
^ Mvovo wa sina: “ke nusolwele lekwa va koko kwame ko.”
^ Yovo “muna ludi.”
