Wantete wa Samuele 21:1-15
21 Kuna kwalanda, Davidi olweke kuna Nobe+ kwa Akimeleke wa nganga. Akimeleke wizidi kika Davidi yo zakama, umvovese vo: “Ekuma wizidi ngeye mosi? Ekuma kwizidi ye muntu ko?”+
2 Davidi ovovese Akimeleke wa nganga vo: “O ntinu umpovese yavanga diambu, kansi unkanikini vo, ‘Kuyambula ko vo muntu kazaya diambu dina itumini, ye dina ikanikini.’ Ngwizanene yo matoko mame twawanana kuna fulu kingandi.
3 Avo mbolo tanu wina zau, yovo konso lekwa wina kiau, umpana kio.”
4 Nganga ovutwidi Davidi vo: “Kina ye mpasi mbolo ko, mbolo zavauka kaka ngina zau+—avo matoko bayikengele mun’akento,* lulenda zo dia kweno.”+
5 Davidi ovutwidi nganga vo: “Akento bavambwilu kwandá yo yeto nze una twavanga vava twayendanga muna vita ntangwa zankaka.+ Wau vo nitu za matoko zavauka muna mpasi salu, o unu nga ke beluta kuyivaula ko e?”
6 Nganga umvene mbolo zavauka,+ kadi ke vakala mbolo zankaka ko, mbolo za lutambiku kaka, zina zakatulwa vana ndose a Yave yo vingiswa mbolo za tiya muna lumbu kina kia sobwanga e mbolo.
7 Muna lumbu kiakina, vakala ntaudi mosi wa Saulu wakangama vana ndose a Yave. Nkumbu andi Doenge,+ musi Edome+ wa mfumu avungudi a mameme ma Saulu.
8 Davidi oyuvuidi Akimeleke vo: “Nga kuna ye dionga ko yovo nsosolo? Kitwese nsosolo ko ngatu nwaninwa yame, kadi diambu kantumini o ntinu dia nzaki.”
9 Nganga umvutwidi vo: “E nsosolo a Ngoleyate+ wa Mfelesetia ona wavondele kuna Ndimb’a Ela+ una vava, wazingwa vana nlele kunim’a kidukula.+ Avo zolele wo nata, bonga wo, kadi ke vena wankaka ko ovava.” Davidi ovovele vo: “Umpana wo, kadi ke vena nsosolo ko ufwanane yo wau.”
10 Muna lumbu kiakina, Davidi otelamene, okwamanene tina+ Saulu, olweke kwa Akisi wa Ntinu a Ngati.+
11 Ntaudi za Akisi bamvovese vo: “Ndioyo ke Davidi ko wa ntinu a nsi a Isaele? Nga ke yandi ko ona bakininanga yo yimbidila vo:
‘Saulu ovondele mafunda mandi,Vo i Davidi, yazi ya mafunda’?”+
12 Davidi olundidi mambu mama muna ntima, omwene wonga wayingi+ mu kuma kia Akisi wa Ntinu a Ngati.
13 Muna kuma kiaki, uyivunini e kilau vana bena.*+ Oyantidiki soneka muna yelo ya mavitu yo zembesa mete muna nzevo zandi.
14 Akisi ovovese ntaudi zandi vo: “Numwene vo muntu ndioyo lau kwandi! Ekuma nuntwasidi kwa mono?
15 Nga ke nuzeye wo ko vo lau yayingi ngina yau, wau nuntwasidi diaka e lau kiaki e? Nga muntu ndioyo okota mu nzo ame?”