Wantete wa Samuele 23:1-29
23 Ke vavioka kolo kiayingi ko, Davidi banzayisi vo: “Afelesetia mu nuanisa bena Kila+ yo sanza mabundilu mau.”
2 I bosi, Davidi oyuvuidi Yave vo:+ “Nga ngienda tufakesa Afelesetia awaya?” Yave ovovese Davidi vo: “Wenda tufakesa Afelesetia yo vuluza Kila.”
3 Kansi, wantu ana bakala yo Davidi bamvovese vo: “Wau vo wonga tumona kwaku Yuda,+ nga ke tuluta monga wonga ko avo twele nuanisa makesa ma Afelesetia kuna Kila?”+
4 Davidi oyuvuidi diaka Yave.+ O Yave umvutwidi vo: “Telama, kulumuka kuna Kila, kadi iyekola Afelesetia vana moko maku.”+
5 Davidi yo wantu ana bakala yandi bele kuna Kila, banuene ye Afelesetia; onete twelezi yau, ovondele ndonga muna yau, Davidi ovulwizi nkangu a Kila.+
6 Abiata+ wa mwan’a Akimeleke vava katina kwa Davidi kuna Kila, wanata kidukula.
7 Diasamunua kwa Saulu vo: “Davidi olweke kuna Kila.” Saulu ovovele vo: “Nzambi unyekwele vana moko mame,*+ kadi ukikangidi wau kakotele muna mbanza ina mavitu ye mbindi.”
8 Saulu okutakese nkangu wawonso benda kuna vita, bakulumukini kuna Kila, bazietele Davidi ye wantu andi.
9 Davidi vava kazaya wo vo Saulu mbi kakanini kumvanga, ovovese Abiata wa nganga vo: “Twasa kidukula.”+
10 Davidi ovovele vo: “E Yave wa Nzambi a Isaele, selo kiaku owidi wo vo Saulu ozolele kwiza mwamu Kila, kimana kafwasa mbanza mu kuma kiame.+
11 E mfumu* za Kila, nga bekungiekola vana moko mandi e? Nga Saulu okulumuka wauna selo kiaku kawidi e? E Yave wa Nzambi a Isaele, zayisa selo kiaki, dodokolo.” Yave ovutwidi vo: “Kulumuka kekulumuka.”
12 Davidi oyuvuidi vo: “E mfumu za Kila, nga bekungiekola vana moko ma Saulu?” Yave ovutwidi vo: “Yekola bekuyekola.”
13 Vana vau, Davidi yo wantu andi batelamene, tezo kia 600 bakala,+ bakatukidi muna Kila bele konso kuna balenda. Vava diazayiswa kwa Saulu vo Davidi otinini yo katuka muna Kila, Saulu oyambwidi kunlanda.
14 Davidi wakala muna makanga, muna fulu yampasi mu lwaka, muna zunga kia miongo mia makanga ma Zifi.+ Saulu wamvavanga lumbu yawonso,+ kansi Yave kanyekola vana moko mandi ko.
15 Davidi vava kakala muna makanga ma Zifi muna Koresa, owidi wo vo Saulu ozolele kumvonda.
16 Yonatane wa mwan’a Saulu wele wanana yo Davidi kuna Koresa, unsadisi kavuila nkuma* muna Yave.+
17 Umvovese vo: “Kumoni wonga ko, kadi se diame Saulu ke kusolola ko; ongeye okala se ntinu muna Isaele,+ omono ikulandila; se diame Saulu ozeye wo.”+
18 Yau nzole bakangidi e kangu+ vana ndose a Yave, Davidi wakala muna Koresa, Yonatane ovutukidi kuna nzo andi.
19 Esi Zifi bele kwa Saulu kuna Ngibeya,+ bavovele vo: “Davidi oswekamene lukufi yo yeto+ muna fulu yampasi mu lwaka, kuna Koresa,+ vana mongo a Kakila,+ kuna sude a* Yesimone.*+
20 E ntinu, avo zolele wo, kulumuka, tukunyekola vana moko ma ntinu.”+
21 Saulu ovovele vo: “Yambula Yave kalusambula, kadi lumfwididi e nkenda.
22 Lwenda, luvava e fulu kena, y’ona umwene, kadi bampovese wo vo nkwa ngangu kikilu.
23 Lutoma vava fulu yawonso keswekamenanga, lwavutuka kwa mono ye ziku. I bosi, ikwenda yeno, avo una mwamu nsi, ikumvavila muna mafunda* mawonso ma Yuda.”
24 Ozevo, batelamene bele kuna Zifi+ yo vita Saulu, kansi Davidi yo wantu andi bakala kuna makanga ma Maone,+ muna Araba+ kuna sude a Yesimone.
25 Saulu yo wantu andi bele kumvava.+ Vava diazayiswa kwa Davidi, vana vau okulumukini kuna tadi,+ okedi muna makanga ma Maone. Saulu vava kawá wo, wele vavi Davidi muna makanga ma Maone.
26 Saulu olweke vana ndambu imosi ya mongo, Davidi yo wantu andi kuna ndambu yankaka ya mongo. Davidi otinini+ Saulu, kansi Saulu yo wantu andi bafinamene Davidi yo wantu andi kimana babakanga.+
27 Kansi, nati a nsangu mosi olweke kwa Saulu, ovovele vo: “Vutuka nswalu, kadi Afelesetia mu nuanisa bena e nsi!”
28 Saulu, oyambwidi konda Davidi,+ wele nuanisa Afelesetia. I dianu bayikila e fulu kiakina vo Tadi dia Mpambani.
29 I bosi, Davidi okatukidi ko, wele kala muna fulu yampasi mu lwaka kuna Engedi.+
Mvovo vana yand'a lukaya
^ Mvovo wa sina: “Nzambi untekele vana moko mame.”
^ Nanga, “ana bavuidi e nsi.”
^ Mvovo wa sina: “okumikini moko mandi.”
^ Mvovo wa sina: “kuna lunene lwa.”
^ Nanga, “kuna makanga.”
^ Yovo “makanda.”
