Wantete wa Samuele 27:1-12
-
Afelesetia bavene Sikelange kwa Davidi (1-12)
27 Davidi ovovele muna ntim’andi vo: “Konso lumbu, o Saulu vonda kekumponda. E diambu diambote mfwete vanga i tinina kuna nsi ya Afelesetia;+ Saulu oyambula kumpava muna mvivu wawonso wa Isaele,+ i wau ivulukila vana moko mandi.”
2 Muna kuma kiaki, Davidi otelamene ye 600 za wantu+ ana bakala yandi, bele kwa Akisi+ wa mwan’a Maoke wa ntinu a Ngati.
3 Davidi yo wantu ana bakala yandi, bakedi yo Akisi kuna Ngati, konso muntu y’esi nzo andi. Davidi ye akazi andi yau awole, Akinoame+ wa musi Yizerele yo Abingaile+ wa musi Kamele, ona wakala nkaz’a Nabale.
4 Vava diasamunua kwa Saulu vo Davidi otinini kuna Ngati, oyambwidi kumvava.+
5 Davidi ovovese Akisi vo: “Avo ngina ye dienga vana meso maku, umpana fulu muna mbanza imosi. O ntaudi aku ekuma kafwete kadila muna mbanz’a kintinu yo ngeye?”
6 Dianu vo, muna lumbu kiakina, Akisi umvene Sikelange.+ Ekiaki i kuma Sikelange ivuidilu kwa ntinu mia Yuda yamu unu kiaki.
7 Mvu mosi ye ngonde yá, i kolo* Davidi kakala muna nsi ya Afelesetia.+
8 Davidi ye wantu andi bavaikanga yo nuanisa Mingesu,+ esi Ngereze ye Aneyamaleke,+ kadi bazingilanga tuka kuna Telame yakuna Sure+ yo kulumuka kuna nsi a Engipito.
9 Davidi vava kanuanisanga e nsi, kavukisanga kana yakala ko ngatu nkento,+ wabonganga mameme, ngombe, mabuluku, samo ye mvuatu, i bosi wavutukanga kwa Akisi.
10 Akisi wanyuvulanga vo: “O unu akweyi wele nuanina?” Davidi wavutulanga vo: “Kuna sude* a Yuda”+ yovo “Kuna sude a Aneyerakemele”+ yovo “Kuna sude ya Anekene.”+
11 Davidi kavukisanga kana yakala ko ngatu nkento muna kubatwasa kuna Ngati, kadi wavovanga vo: “Balenda kutufunda, oku vo: ‘I wau wuwu kavangidi Davidi o unu.’” (I wau kavanganga muna lumbu yawonso kakala muna nsi ya Afelesetia.)
12 Akisi okwikidi Davidi yo vova vo: ‘Kieleka, o nkangu andi Isaele umengene, okala kaka se ntaudi ame.’
