Wantete wa Samuele 8:1-22
8 Vava Samuele kanuna, watumbika wan’andi se afundisi muna Isaele.
2 E nkumbu a mwan’andi antete Yoele, nkumbu a ndiona wanzole Abiya;+ yau bakala afundisi muna Bere-seba.
3 Kansi, wan’andi ke badiatilanga muna nzila zandi ko; bavavanga mfutu walembi songa+ yo tambula mbabu+ yo tekomona unsongi.+
4 Kuna kwalanda, akuluntu awonso a Isaele bakutakana, bele kwa Samuele kuna Rama.
5 Bamvovese vo: “Tala, onunini kwaku, wan’aku ke bediatilanga muna nzila zaku ko. Utusolela ntinu katufundisa nze zula yawonso.”+
6 Ediadi dikendelekele* Samuele wau bavovele vo: “Utuvana ntinu katufundisa.” Samuele osambidi kwa Yave,
7 Yave ovovese Samuele vo: “Wila nkangu muna mawonso bàvovese; kadi ke ngeye ko babembwele, kansi mono babembwele yalembi kala diaka ntinu au.+
8 Dina bavangidi, i diau bevanganga tuka lumbu kina yabavaikisa muna Engipito yamu unu kiaki; e ntangwa zawonso bekungiambulanga+ yo sadila nzambi zankaka,+ i una bavangidi kwa ngeye.
9 Owau, wila nding’au. Kansi, ofwete kubalukisa ye ziku kiawonso; ubazayisa mambu kekadila yo nswa wa vanga o ntinu ona okubayala.”
10 Ozevo, Samuele ozayisi mvovo miawonso mia Yave kwa nkangu ana banlombele ntinu.
11 Ovovele vo: “I mau mama kekadila yo nswa o ntinu ona okunuyala:+ Obonga wan’eno amakala + yo kubakitula se anati a makalu mandi ma vita,+ bekala akwa mvalu,+ ankaka belundumuka kuna ntwal’a makalu mandi.
12 Okitula akaka se mfumu za mafunda+ ye mfumu za makumatanu,+ akaka bevata mpatu zandi+ yo kunkutikila e mbongo+ yo vanga nuaninua ye salanganu ya makalu mandi.+
13 Obonga wan’eno amakento bakala avangi a lekwa yansunga, alambi ye avangi a mbolo.+
14 Obonga mpatu zeno zisundidi o wete, mpatu za vinyu ye mpatu za olive,+ kavana zo kwa selo yandi.
15 Obonga tini kia kumi kia mbongo a mpatu zeno ye kia mpatu a vinyu kavana kio kwa mbanda-mbanda zandi ye selo yandi.
16 Obonga selo yeno yamakala ye yamakento ye ngombe zeno ye mabuluku meno masundidi o wete, kabasia muna salu kiandi.+
17 Obonga tini kia kumi kia mameme meno,+ oyeno nukala selo yandi.
18 Vekala e lumbu kina nukaza mu kuma kia ntinu eno ona nusolele,+ kansi Yave ke kunuvana mvutu ko e lumbu kiakina.”
19 Ozevo, nkangu ke bazolele wila Samuele ko, bavovele vo: “Ke wau ko, oyeto ntinu kaka tuzolele.
20 Twafwanana ye zula yawonso, ntinu eto katufundisa, katuvita kuna ntwala yo nuana e vita zeto.”
21 Samuele owidi mvovo miawonso mia nkangu, osamwini mio muna matu ma Yave.
22 Yave ovovese Samuele vo: “Ubawila, ubayadikila o ntinu.”+ Samuele ovovese Aneyisaele vo: “Nuvutuka konso muntu kuna mbanza andi.”
Mvovo vana yand'a lukaya
^ Mvovo wa sina: “Ediadi diayiva muna meso ma.”
