Wantete wa Paulu Kuna kwa Esi Tesalonika 1:1-10
1 Paulu, Silwano*+ yo Timoteo,+ kuna kwa nkutakani ya esi Tesalonika muna Nzambi wa Se yo Mfumu Yesu Kristu:
Yambula e nsambu yo luvuvamu lwakala yeno.
2 Ntangwa zawonso tuvutulanga matondo kwa Nzambi vava tuyikanga yeno awonso muna sambu yeto,+
3 kadi tusungamenanga salu kieno kia lukwikilu, mfuntuka eno a zola yo luzindalalu lweno mu kuma kia vuvu kieno+ muna Mfumu eto Yesu Kristu vana ndose a Nzambi eto yo Se.
4 Ampangi azolwa kuna kwa Nzambi, tuzeye wo vo yandi wanusola,
5 kadi e nsangu zambote zina twasamuna ke zaluaka kwa yeno muna mvovo kaka ko, kansi muna nkuma yo mwand’avelela yo lusikidisu lwayingi, wauna nuzeye e mpila wantu twakala vana nuina muna wete dieno.
6 Nuakituka se atanginini eto+ yo Mfumu,+ wau nuatambulwila e diambu dia Nzambi muna mpasi zayingi+ ye kiese kitukanga muna mwand’avelela,
7 dianu nukitukidi se mbandu kuna kwa minkwikizi miawonso muna Makedonia ye muna Akaya.
8 Kadi muna kuma kieno, wantu awonso muna Makedonia ye Akaya bawa e diambu dia Yave,* e nsangu za lukwikilu lweno muna Nzambi zalwaka mwawonso,+ ke dina mfunu ko twavova diaka diambu.
9 Kadi yau kibeni besamunanga una twawanana yeno mu nkumbu antete ye mpila nuayambulwila e teke yeno+ yo viluka kwa Nzambi kimana nuasadila Nzambi amoyo ye ludi,
10 yo vingila Mwan’andi otuka kuna zulu,+ ona kafula muna mafwa, i sia vo, Yesu ona okutuvuluza muna makasi mekwiza.+
