Wantete wa Tusansu 10:1-14
-
Lufwa lwa Saulu yo wan’andi (1-14)
10 Afelesetia banuene yo Isaele. Wan’a Isaele batinini Afelesetia, ndonga bavondelo vana Mongo a Ngileboa.+
2 Afelesetia balakamene Saulu yo wan’andi, bavondele wan’a Saulu, i sia vo, Yonatane, Abinadabi yo Mankisu.+
3 E vita ikitukidi se yampasi kikilu kuna kwa Saulu, akwa nzanza bansolwele, banlwekele.+
4 Saulu ovovese nati a nuaninua yandi vo: “Vola nsosolo aku wansuka wo kimana mindembi zengwa awaya balembi kundwakila yo kunsakanena.”+ Kansi, o nati a nuaninua yandi kazolele ko, kadi wonga wayingi kamwene. Muna kuma kiaki, Saulu obongele nsosolo, uyisukidi wo.+
5 O nati a nuaninua vava kamwene vo Saulu ofwidi, yandi mpe uyisukidi nsosolo, ofwidi.
6 Saulu ofwidi yo wan’andi atatu, awonso muna nzo andi bafwidi kumosi.+
7 O nkangu awonso a Isaele una wakala kuna ndimba vava bamwene vo awonso batinini, Saulu yo wan’andi bafwidi, basisidi mavata mau yo tina; Afelesetia bezidi, babakidi mo.
8 Muna lumbu kialanda, Afelesetia vava balwaka kimana basanza lekwa ya mvumbi, bamwene Saulu yo wan’andi bafwa vana Mongo a Ngileboa.+
9 Bankatwidi mvuatu, bazengele ntu andi, babongele nuaninua yandi, batumini anati a nsangu muna nsi yawonso ya Afelesetia kimana banata nsangu muna nzo za teke+ yau ye kwa nkangu au.
10 Basidi nuaninua yandi muna nzo* a nzambi au yo manika ntu andi muna nzo a Dangone.+
11 Esi Yabese+ awonso muna Ngiladi vava bawidi mawonso Afelesetia bavangidi kwa Saulu,+
12 makesa mawonso matelamene, bele mu fuku, babongele vimbu dia Saulu ye mavimbu ma wan’andi. Batwese mo kuna Yabese,+ bazikidi visi yau kuna nsi a nti anene muna Yabese, bafionkonuene* lumbu nsambwadi.
13 Muna mpila yayi Saulu wafwa mu kuma kia kondwa kwikizi muna Yave,+ kadi kalemvokela diambu dia Yave ko, wayenda yuvula nkento wa ngang’a matombola.+
14 vana fulu kia vava Yave. I dianu Nzambi kamvondele yo vana kintinu kwa Davidi wa mwan’a Yisai.+
