Wantete wa Tusansu 13:1-14
13 Davidi omokene ye mfumu za mafunda, mfumu za nkama ye afidi awonso.+
2 Davidi ovovese nkutakani yawonso a Isaele vo: “Avo diambote kwa yeno, yo tondakana kwa Yave wa Nzambi eto, yambula twatwika nsamu kwa mpangi zeto ana basala muna zunga yawonso ya Isaele, kwa anganga ye kwa Anelevi muna mbanza zau,*+ beza kutakana yeto.
3 Twatwasa Nkel’a+ Nzambi eto.” Kadi muna lumbu ya Saulu,+ ke basianga yo sungididi ko.
4 E nkutakani yawonso itambulwidi dio, kadi nkangu wawonso umwene vo diambote.
5 Muna kuma kiaki, Davidi okutakese Isaele yawonso, tuka kuna nkoko* a Engipito yakuna Lebo-Kamati*+ kimana batwasa Nkel’a Nzambi aludi tuka kuna Kireyate-yarimi.+
6 Davidi ye Isaele yawonso, bele kuna Bala,+ i sia vo, Kireyate-yarimi ya Yuda, batwasa Nkel’a Yave wa Nzambi aludi ona ovuende vana kunda kia kimfumu vana ntandu a* akelubi,+ vana veyikilwanga e nkumbu andi.
7 Bamantisi Nkel’a Nzambi aludi muna kalu diampa,+ bavaikisi yo muna nzo a Abinadabi; Uza yo Akio yau badiatisanga e kalu.+
8 Davidi ye Isaele yawonso bakembele vana vena Nzambi aludi ye ngolo zau zawonso, muna nkunga, kokolo, nsambi, yingoma-ngoma,+ yimbalu+ ye mpungi.+
9 Kansi vava balweke kuna bundilu dia Kidone, Uza olambwidi koko, osimbidi e Nkela kadi fioti fiasala e ngombe nga zabwisa yo.
10 Muna kuma kiaki, Yave ofungidi kikilu Uza o makasi, umvondele wau kalambwidi koko kwandi muna Nkela,+ ofwididi vâna, vana ndose a Nzambi.+
11 Kansi Davidi ofwemene* wau vo Yave ofungidi Uza makasi; e fulu kiakina kiyikilwanga vo Perese-uza* yamu unu kiaki.
12 E lumbu kiakina, Davidi omwenene Nzambi aludi wonga, ovovele vo: “Aweyi ndenda natina Nkel’a Nzambi aludi kuna mbanz’ame?”+
13 Davidi kanete diaka Nkela kuna kakala ko, kuna Mbanz’a Davidi, kansi onete yo kuna nzo a Obede-edome wa Ngati.
14 E Nkel’a Nzambi aludi yasiwa muna nzo a Obede-edome, yakala muna nzo andi mu ngonde tatu, Yave osambwidi e nzo a Obede-edome ye yawonso kakala yau.+
Mvovo vana yand'a lukaya
^ Mvovo wa sina: “mbanza zau ye madilu.”
^ Yovo “tuka kuna Siko.”
^ Yovo “fula dia Kamati.”
^ Nanga, “vana kati kwa.”
^ Yovo “okendalele.”
^ Ina ye nsasa vo: “Makasi Mafusukidi Muna Uza.”
