Wantete wa Tusansu 14:1-17
14 Kirami+ wa ntinu a Turo otumini anati a nsangu kwa Davidi ye mabaya ma nsedele, atungi* ye avadi a nti mu kuntungila e nzo.*+
2 Davidi wabakula wo vo Yave unsikidisi se ntinu a Isaele,+ kadi kintinu kiandi kiatundidikwa kikilu muna wete dia nkangu andi Isaele.+
3 Davidi obongele diaka akento+ muna Yerusaleme, Davidi owutidi wana ayingi amakala ye amakento.+
4 Ezazi i nkumbu za wan’andi ana bawutukila muna Yerusaleme:+ Samua, Sobabe, Natani,+ Solomo,+
5 Yibeka, Elesua, Elepelete,
6 Nonga, Nefenge, Yafia,
7 Elisama, Beleyada yo Elefelete.
8 Afelesetia vava bawá wo vo Davidi wakusilu mazi kakala se ntinu muna Isaele yawonso,+ Afelesetia awonso bele vava Davidi.+ Vava Davidi kawá wo, ovaikidi muna kubanuanisa.
9 Afelesetia bezidi, bayantikidi kubanuanisa kuna Ndimb’a Refa.+
10 Davidi oyuvuidi Nzambi, oku vo: “Nga yatomboka mu nuanisa Afelesetia? Nga yekola okubayekola ova moko mame?” Yave umvutwidi vo: “Tomboka, yekola ikubayekola vana moko maku.”+
11 Davidi otombokele kuna Bale-perasime,+ ubatufakesele kûna. Muna kuma kiaki, Davidi ovovele vo: “Nzambi aludi okukulwisi mbeni zame muna moko mame, nga nkukul’a maza.” Dianu bayikidi e fulu kiakina vo Bale-perasime.*
12 Afelesetia basisidi nzambi zau vavana, bayokele zo muna lutumu lwa Davidi.+
13 I bosi, Afelesetia babanuanisi diaka vana ndimba.+
14 Davidi oyuvuidi diaka Nzambi, kansi Nzambi aludi umvovese vo: “Kubanuanisina kuna ntwala ko. Kansi, baluka kuna nim’au, ubanuanisina vana mantalani ye nti mia baka.+
15 Avo owidi e zú dia nsindu mia wantu kuna ntandu a nti mia baka, ubanuanisa kadi Nzambi aludi ovita kuna ntwal’aku muna tufakesa vu kia Afelesetia.”+
16 Davidi ovangidi una Nzambi aludi kankanikini,+ batufakese vu kia Afelesetia tuka kuna Ngibone yakuna Ngeze.+
17 E nsangu za Davidi zimwanganene muna nsi zawonso, Yave omwesese zula yawonso o wonga wa Davidi.+
Mvovo vana yand'a lukaya
^ Yovo “atungi a yaka.”
^ Yovo “lûmbu.”
^ Ina ye nsasa vo: “Mfumu a Nkukula.”