Wantete wa Tusansu 18:1-17
18 Kuna kwalanda, Davidi wanuanisa yo tufakesa Afelesetia, okutumwini Ngati+ ye mavata mandi* vana moko ma Afelesetia.+
2 Otufakese Moabe,+ esi Moabe bakitukidi se ntaudi za Davidi yo kuntwasila vaku.+
3 Davidi otufakese Kadadeze+ wa Ntinu a Soba+ lukufi ye Kamati,+ vava kayenda sikidisa wisa kiandi kuna mvivu wa Nzadi a Uferate.+
4 Davidi obakidi 1.000 dia makalu ma vita, 7.000 m’akwa mvalu ye 20.000 ma makesa badiatilanga kia malu.+ I bosi, Davidi ozengele mianzi mia kole ya mvalu miawonso miatuntanga makalu ma vita, osisidi kaka 100 mvalu.+
5 Esi Suria ya Damaseke vava bezidi sadisa Kadadeze wa Ntinu a Soba, Davidi ovondele 22.000 ma esi Suria.+
6 Davidi osidi makesa mandi muna Suria ya Damaseke, esi Suria bakitukidi ntaudi za Davidi yo kuntwasila e vaku. Yave wavananga nsundidi kwa* Davidi konso kuna kayendanga.+
7 Davidi obongele ngubu* za wolo za ntaudi za Kadadeze, otwese zo kuna Yerusaleme.
8 Davidi obongele nsongo yayingi muna Tibekati ye Kuni, mbanza za Kadadeze. E nsongo zazi i zau Solomo kavangila Kalunga ya nsongo,+ malunzi ye salanganu ya nsongo.+
9 Tou wa Ntinu a Kamati owidi wo vo Davidi otufakese makesa mawonso ma Kadadeze+ wa Ntinu a Soba,+
10 vana vau otumini Yorami wa mwan’andi kwa Davidi wa Ntinu, kanyuvula o vimpi yo kuntonda wau kanuanisi Kadadeze yo kuntufakesa (kadi o Kadadeze wanuananga yo Tou), untwasidi salanganu ya mpila mu mpila ya palata, ya wolo ye ya nsongo.
11 Davidi wa Ntinu ovaudi yo kwa Yave,+ e palata ye wolo una kasanza muna zula yawonso: Muna Edome yo Moabe, muna Aneyamone,+ Afelesetia+ ye Aneyamaleke.+
12 Abisai+ wa mwan’a Seruya+ ovondele 18.000 ma esi Edome kuna Ndimb’a Mungwa.+
13 Osidi makesa muna Edome, esi Edome awonso bakitukidi se ntaudi za Davidi.+ Yave wavananga nsundidi kwa* Davidi konso kuna kayendanga.+
14 Davidi wayalanga Isaele yawonso,+ wayadilanga muna unsongi ye ziku muna wete dia nkangu andi wawonso.+
15 Yoabe wa mwan’a Seruya i mfumu a makesa,+ Yosafate+ wa mwan’a Akiludi i nsoneki a lusansu,
16 Sadoke wa mwan’a Akitubi yo Akimeleke wa mwan’a Abiata i nganga, o Savesa i nsoneki.
17 Benaya wa mwan’a Yoyada yandi wavitanga o ntu vana vena Anekerete+ yo Anepelete.+ O wan’a Davidi yau bakala se mbanda-mbanda za ntinu.
Mvovo vana yand'a lukaya
^ Yovo “mavata mandi manzungidi.”
^ Yovo “wavuluzanga.”
^ Yovo “ngubu zavindumuka.”
^ Yovo “wavuluzanga.”
