Wantete wa Tusansu 19:1-19
19 I bosi, Nakasi wa ntinu a Aneyamone ofwidi, o mwan’andi oyantikidi yala vana fulu kiandi.+
2 Davidi ovovele vo: “Walakazi isonga+ kwa Kanuni wa mwan’a Nakasi, kadi se diandi wansonga walakazi.” Muna kuma kiaki, Davidi otumini wantu benda kumfiaulwisa mu kuma kia lufwa lwa se diandi. Kansi, ntaudi za Davidi vava balwaka muna nsi a Aneyamone+ muna fiaulwisa Kanuni,
3 akuluntu a Aneyamone bavovese Kanuni vo: “Nga obenze vo Davidi se diaku kazitisi wau katumini afiaulwisi e? E ntaudi zandi nga ka ngeye ko bezidi fimpa yo langa e mbanza bafwasa yo?”
4 Kanuni obakidi ntaudi za Davidi ubakatwidi nzevo,+ ozengele mvuatu miau yamuna yand’a luketo,* i bosi ubasindikidi.
5 Vava bazayisi Davidi dina dibwididi selo yandi, vana vau otumini wantu ankaka benda kubakika, kadi bafusulwisu kikilu e nsoni; o ntinu ubavovese vo: “Nukala muna Yeriko+ yavana nzevo zeno zimena, i bosi nuvutuka.”
6 Aneyamone vava bamona vo Davidi ubamengene, Kanuni ye Aneyamone batwikidi wantu ye 1.000 dia talanta* za palata kimana benda deva makalu ma vita ye akwa mvalu muna Mesopotâmia,* Arami-maka ye Soba.+
7 Muna diadi, badevele 32.000 ma makalu ma vita ye ntinu a Maka ye nkangu andi. Bezidi kiatama kuna ntalani a Medeba.+ Aneyamone bavaikidi muna mbanza zau, bele nuana vita.
8 Davidi vava kawá wo, otumini Yoabe+ ye vu kiawonso ye makesa mandi mana masunda nkuma.+
9 Aneyamone bavaikidi, bele kiatama muna vita vana fula dia mbanza, atinu ana bayiza bakiatamene vana fulu kia yau kaka, muna nzanza.
10 Yoabe vava kamona vo makesa ma atantu manlwakidi kuna ntwala ye kunima, osolele makesa masundidi o nkuma muna Isaele, bakiatamene mu nuanisa Asuria.+
11 Oyekekele makesa mankaka vana moko ma mpangi andi Abisai,+ bakiatamene banuanisa Aneyamone.
12 I bosi, Yoabe ovovele vo: “Avo Asuria+ bekunsunda e ngolo, wiza kunsadisa; kansi avo Aneyamone bekusunda e ngolo, omono ikusadisa.
13 Tukumama, tukala yo unkabu+ twanuanina nkangu eto ye mbanza za Nzambi eto, Yave ovanga dina diambote vana meso mandi.”
14 Yoabe yo makesa mandi bele nuanisa Asuria, batinini vana ndose andi.+
15 Aneyamone vava bamona vo Asuria batinini, yau mpe batinini Abisai wa mpangi andi, bakotele muna mbanza. I bosi Yoabe ovutukidi kuna Yerusaleme.
16 Vava Asuria bamona vo batufakeso kwa Isaele, batumini anati a nsangu babokela Asuria ana bakala kuna nlambu a Nzadi,*+ yo Sofaki wa mfumu a vu kia makesa ma Kadadeze ona wabavitanga o ntu.+
17 Vava bazayisa e diambu diadi kwa Davidi, vana vau okutakese Isaele yawonso, osaukidi Yodani, ubalwakidi yo kiatama muna kubanuanisa. Davidi okubamene muna nuanisa Asuria, oyau mpe banuene yandi.+
18 Asuria batinini Isaele; Davidi ovondele 7.000 ma anati a makalu ma vita ye 40.000 ma makesa ma Asuria badiatilanga kia malu, ovondele Sofaki wa mfumu a vu kia makesa.
19 Vava selo ya Kadadeze bamona vo batufakeso kwa Isaele,+ vana vau, bavangidi ungudi yo Davidi, bakitukidi se nkangu andi;+ Asuria ke basadisa diaka Aneyamone ko.
Mvovo vana yand'a lukaya
^ Mvovo wa sina: “yamuna mataku.”
^ Mvovo wa sina: “Arami-naarayimi.”
^ I sia vo, Uferate.
