Wantete wa Tusansu 3:1-24
3 Awaya i wan’a Davidi ana bawutukila muna Keberone:+ O mwan’antete i Amenone,+ o ngudi andi Akinoame+ wa musi Yizerele; wanzole, Daniele, o ngudi andi Abingaile+ wa Nkamele;
2 wantatu, Abesalome,+ o ngudi andi Maka wa mwan’a Talemai wa ntinu a Ngesu; wanyá, Adoniya,+ o ngudi andi Kangiti;
3 wantanu, Sefateya, o ngudi andi Abitale; wansambanu, Yiterame, o ngudi andi Engela wa nkaz’a Davidi.
4 Yau asambanu awaya muna Keberone bawutukila; mvu 7 ye ngonde 6 kayala muna Keberone ye mvu 33 kayala muna Yerusaleme.+
5 Awaya i wan’andi bawutukila muna Yerusaleme:+ Sima, Sobabe, Natani+ yo Solomo;+ yau nyá ngudi au Bate-seba+ wa mwan’a Amiele.
6 Wan’andi vua ankaka: Yibeka, Elisama, Elefelete,
7 Nonga, Nefenge, Yafia,
8 Elisama, Eleyada yo Elefelete.
9 Awaya awonso i wan’a Davidi, lembi tanga wan’a makangu mandi, o Tama+ i nsang’au.
10 O mwan’a Solomo i Rekabame;+ Rekabame wawuta Abiya,+ Abiya wawuta Asa,+ Asa wawuta Yosafate,+
11 Yosafate wawuta Yorame,+ Yorame wawuta Akaziya,+ Akaziya wawuta Yoase,+
12 Yoase wawuta Amaziya,+ Amaziya wawuta Azareya,+ Azareya wawuta Yotame, +
13 Yotame wawuta Akazi,+ Akazi wawuta Kizekeya,+ Kizekeya wawuta Manase,+
14 Manase wawuta Amone,+ Amone wawuta Yosiya.+
15 O wan’a Yosiya: Wantete Yokanane, wanzole Yoyakime,+ wantatu Sedekiya,+ wanyá Salumi.
16 O wan’a Yoyakime: Yekoneya+ wa mwan’andi yo Sedekiya wa mwan’andi.
17 O wan’a Yekoneya wa mbakami: Saletiele,
18 Mankirami, Pedaya, Senaza, Yekameya, Osama yo Nedabeya.
19 O wan’a Pedaya: Zerubabele+ yo Simei; wan’a Zerubabele: Mesulame yo Kananiya (Selomite i nsang’au);
20 o wan’andi tanu ankaka: Kasuba, Oele, Berekeya, Kasadiya yo Kusabi-kesede.
21 O wan’a Kananiya: Pelateya yo Yesaya; mwan’a* Yesaya: Refaya; mwan’a* Refaya: Orenane; mwan’a* Orenane: Obadiya; mwan’a* Obadiya: Sekaneya;
22 o wan’a Sekaneya: Semaya yo wan’a Semaya: Katusi, Yingale, Bareya, Nareya yo Safati—yau awonso nsambanu.
23 O wan’a Nareya: Eloenai, Kizikiya yo Azerikami, atatu.
24 O wan’a Eloenai: Odaveya, Eleyasibe, Pelaya, Akubi, Yokanane, Delaya yo Anani, nsambwadi.
Mvovo vana yand'a lukaya
^ Mvovo wa sina: “wan’a.”
^ Mvovo wa sina: “wan’a.”
^ Mvovo wa sina: “wan’a.”
^ Mvovo wa sina: “wan’a.”
