Wanzole wa Paulu Kuna kwa Esi Korinto 13:1-14
13 Wau i nkumbu wantatu nkubamene mu kwiza kunukingula. “Muna kimbangi kia* wantu wole yovo atatu i mufwete sikidisilwa mambu mawonso.”+
2 Kana una vo kina vo ko, dina nze mono ngina vo muna nkumbu wanzole, ndukisi diaka awana bateka sumuka ye ankaka mpe, avo ngizidi diaka, tumba ikubatumba,
3 wau nuvavanga e ziku kana vo Kristu, ona walembi tovoka kwa yeno, kansi wakumama kaka vovo nuina, mu mono kikilu kevovelanga.
4 Kadi wavondelwa vana nti mu kuma kia lutovoko, kansi muna nkum’a Nzambi una o moyo.+ Oyeto mpe tutovokele yandi, kansi tukala o moyo yo yandi+ mu kuma kia nkum’a Nzambi kuna kwa yeno.+
5 Nukwamanana kukifimpa kana vo mu lukwikilu nuina; nuvavanga zaya e mpila muntu lwina.+ Nga ke nuzeye wo ko vo Yesu Kristu una yeno entwadi e? Avo ke wau ko, ke nutondakana ko.
6 Ngina kikilu ye vuvu vo nusinga wo zaya vo oyeto twatondakana.
7 Owau tusambidi kwa Nzambi kimana nualembi vanga diambu diambi, ke mu sia ko vo oyeto twamoneka vo twatondakana, kansi oyeno nuavanga edi diambote, kana nkutu tumonekene vo ke twatondakana ko.
8 Kadi katulendi vanga diambu ko muna telamena e ludi, kansi muna wete dia ludi kaka.
9 Tuyangalalanga avo tutovokele kansi oyeno nukumamene. I diau diadi tulombanga muna sambu kimana nuasingikwa.
10 Ekiaki i kuma nsonekene mambu mama wau kina ko ko, vava ikwiza, yalembi kala nkwa ntim’a mbâdi muna sadila wisa kina yavewa kwa Mfumu+ muna kumika ke mu bwisa ko.
11 Muna fokola, ampangi, nukwamanana yangalala, nusingama, nukifiaulwisa,+ nukalanga yo nyindu mosi,+ nukalanga yo ungudi;+ o Nzambi a zola yo luvuvamu+ okala yeno.
12 Nukayisa muntu yo nkwandi ye mfiba avelela.
13 Avauki awonso banutwikidi mavimpi.
14 E nsambu za Mfumu Yesu Kristu yo zola kwa Nzambi yo mwand’avelela una tutambulanga kumosi wakala yo yeno awonso.
Mvovo vana yand'a lukaya
^ Mvovo wa sina: “nu’a.”
