Wanzole wa Paulu Kuna kwa Esi Korinto 3:1-18
3 Nga twayantika kuyisunzula diaka kwa yeno e? Yovo, nze akaka, nga nkand’a kimbangi tuvuidi o mfunu muna kuyisunzula kwa yeno yovo nkanda mituka kwa yeno?
2 Oyeno i nkand’eto,+ usonamene muna ntima mieto, uzayakene yo tangwa kwa wantu awonso.
3 Kadi nusongele vo yeno i nkand’a Kristu wasonekwa kwa yeto selo yandi,+ ke wasonamena mu tinta ko, muna mwand’a Nzambi amoyo kaka, ke mu babu ya matadi ko,+ kansi muna babu ya nitu, i sia vo, muna ntima.+
4 Tuna ye vuvu kiaki kuna kwa Nzambi muna Kristu.
5 Ke sia ko vo yeto kibeni tukuyifwanisanga mu sala e salu kiaki, kansi Nzambi okutufwanisanga,+
6 watufwanisa mu kala selo ya kangu diampa,+ ke mu nsiku wasonama ko+ kansi wa mwanda; kadi o nsiku wasonama tumbu kia lufwa uvananga,+ kansi una wa mwanda moyo uvananga.+
7 Avo Nsiku una wa lufwa, una wasonama muna matadi,+ muna nkembo wayizila kimana wan’a Isaele balembi tungununa ndose a Mose mu kuma kia nkembo a ndose andi,+ o nkembo una wasukiswa,
8 nga una wa mwanda+ ke uvioka nkutu nkembo ko e?+
9 Kadi avo Nsiku una wa tumbu+ wakala yo nkembo,+ una wa unsongi uvioka kikilu o nkembo.+
10 Kieleka, una wakala yo nkembo ke una diaka yo nkembo ko, mu kuma kia nkembo una umviokele.+
11 Kadi avo una wasukiswa mu nkembo wayizila,+ ozevo, o nkembo wa kangu diampa uviokele kikilu.+
12 Wau vo tuna ye vuvu kiaki,+ tuvovanga kuna unkabu wawonso,
13 ke tuvanganga nze Mose ko ona wasia e fukwa vana ndose andi+ kimana wan’a Isaele balembi tungununa o nkembo a Nsiku una wasukiswa.
14 Kansi e ntima miau miabala.+ Kadi yamu unu kiaki, vava kitangwanga e kangu diankulu e fukwa kiakina kiakinu,+ e kuma kadi muna Kristu kaka kiakatulwilwa.+
15 Yamu unu kiaki, konso ntangwa kitangwanga mana kasoneka Mose,+ e fukwa kifukanga ntima miau.+
16 Kansi avo muntu ovutukidi kwa Yave,* e fukwa kikatulwanga.+
17 Yave* i Mwanda,+ vana vena mwand’a Yave,* i vena luvevoko.+
18 Yeto awonso, wau tumwesanga nkembo a Yave* nze pelo ye ndose zalembi fukwa, tukitwilu muna fwaniswa kiau kimosi tuka muna nkembo yamuna nkembo nze una kavanga o Yave* una vo Mwanda.*+
Mvovo vana yand'a lukaya
^ Nanga, “muna mwand’a Yave.”
