Wanzole wa Ntinu 2:1-25
2 Una Yave se ketombola Eliya+ kuna zulu* muna kimbongela,+ Eliya yo Elesa+ bakatukidi kuna Ngilengale.+
2 Eliya ovovese Elesa vo: “Kala vava, kadi Yave untumini kuna Betele.” Kansi, Elesa ovovele vo: “Ndidi e ndofi muna Yave wa Nzambi amoyo, yamuna moyo aku, kikuyambula ko.” Ozevo, bakulumukini kuna Betele.+
3 I bosi, wan’a ngunza* muna Betele bele kika Elesa, banyuvuidi vo: “Nga ozeye wo vo Yave okatula mfumu aku o unu?”+ Ovutwidi vo: “Nzeye wo. Nubutama kweno.”
4 Eliya ovovese Elesa vo: “Kala vava, kadi Yave untumini kuna Yeriko.”+ Kansi, Elesa ovovele vo: “Ndidi e ndofi muna Yave wa Nzambi amoyo, yamuna moyo aku, kikuyambula ko.” Ozevo, bele kuna Yeriko.
5 Wan’a ngunza kuna Yeriko bafinamene Elesa, banyuvuidi: “Nga ozeye wo vo Yave okatula mfumu aku o unu?” Ovutwidi vo: “Nzeye wo. Nubutama kweno.”
6 Eliya ovovese Elesa vo: “Kala vava, kadi Yave untumini kuna Yodani.” Elesa umvutwidi vo: “Ndidi e ndofi muna Yave wa Nzambi amoyo, yamuna moyo aku, kikuyambula ko.” Yau awole bele kwau.
7 O 50 ma wan’a ngunza babalende, batelamene kuna vala yo kubatala ekolo yau wole batelamene vana kumu dia Yodani.
8 Eliya obongele mvuatu andi a kingunza,+ ozingidi wo, owende wo muna maza, maza mavambukidi kuna lunene yo kuna lumonso, yau wole basaukidi vana ntoto ayuma.+
9 Vava bamene sauka, Eliya ovovese Elesa vo: “Lomba konso kina ozolele una kiakatwilu ko vovo una.” Elesa ovovele vo: “Dodokolo, umpana kunku yole+ ya mwand’aku.”+
10 Eliya ovutwidi vo: “Diambu diampasi olombele. Kansi avo okumbona vava ikatulwa vovo wina, dina olombele divangama; kansi avo kumbwene ko, ke divangama ko.”
11 Vava bayendanga yo mokena, vana vau, bavambwilu kwa kalu dia tiya ye mvalu mia tiya,+ Eliya otombokele kuna zulu* muna kimbongela.+
12 Elesa vava kamwene wo, okazidi vo: “E tata, e tata! E kalu dia Isaele y’akwa mvalu miandi!”+ Vava kamona vo Eliya ovididi, obongele mvuatu miandi, otiazwini mio mu ndambu zole.+
13 I bosi, obongele mvuatu a kingunza+ wa Eliya una wansotokela, ovutukidi, otelamene vana kumu dia Yodani.
14 Elesa obongele mvuatu a kingunza wa Eliya una unsotokele, owende wo muna maza, ovovele vo: “Akweyi kena Yave wa Nzambi a Eliya?” Vava kawende wo muna maza, maza mavambane kuna lumonso ye kuna lunene, Elesa osaukidi.+
15 Vava wan’a ngunza muna Yeriko bamona Elesa kuna vala, bavovele vo: “Mwand’a Eliya ukulumukini muna Elesa.”+ Muna diadi, bele kunkika, bavumbamene vana ndose andi.
16 Bamvovese vo: “Yeto selo yaku tuna ye 50 m’akwa ngolo. Dodokolo, ubayambula benda vava mfumu aku. Nanga mwand’a Yave unete yo kuntuba vana mongo yovo muna ndimba.”+ Kansi Elesa ubavovese vo: “Ke nubatumi ko.”
17 Kansi bakwamanene kundodokela yavana kamona nsoni, ubavovese vo: “Nubatuma.” Batumini 50 ma wantu bele kumvava mu lumbu tatu, kansi ke bansolwele ko.
18 Vava bavutukidi kwa Elesa, muna Yeriko kakala.+ Ubavovese vo: “Nga kianuvovese ko vo, ka nuendi ko e?”
19 Kuna kwalanda, esi mbanza bavovese Elesa vo: “E mfumu ame, omwene vo e mbanza va fulu kiambote ina;+ kansi maza mambi, ntoto ke uyimanga mbongo ko.”*
20 I bosi, Elesa ovovele vo: “Nutula mungwa mu pidi kiampa nuntwasila kio.” Bantwasidi e pidi.
21 Wele kuna nto a maza, otubidi mo mungwa+ yo vova vo: “I wau wuwu kavovele o Yave, ‘Nsaswidi maza mama, ke mevonda diaka ko ngatu twasa usita.’”*
22 E maza makinu mambote yamu unu kiaki mun’owu wa diambu diavovua kwa Elesa.
23 I bosi, Elesa otombokele kuna Betele. Ekolo kayendanga, yindende yamakala bavaikidi muna mbanza, bayantikidi kunsakanena,+ oku vo: “E nkwa vandu tomboka, e nkwa vandu tomboka!”
24 I bosi, ovilukidi, ubamwene, ubasibidi muna nkumbu a Yave. Vana vau, muvaikidi use zole+ zankento muna mfinda, zitiazidi yindende 42.+
25 Tuka kwakuna, wele kuna Mongo a Kamele,+ i bosi, ovutukidi kuna Samaria.
Mvovo vana yand'a lukaya
^ Yovo “ngambwila; matuti.”
^ “Wan’a ngunza” nanga i sikola za longokelanga angunza yovo kintwadi kia angunza.
^ Yovo “ngambwila; matuti.”
^ Nanga, “sulula mesululwisanga.”
^ Nanga, “sululwisa.”
