Wanzole wa Ntinu 21:1-26
21 Manase+ mvu 12 kakala miau vava kayantika yala. Mvu 55 kayala muna Yerusaleme.+ E nkumbu a ngudi andi Kefeseba.
2 Wavanga mambu mambi vana meso ma Yave, watanginina mavangu mangemi ma zula+ ina Yave kayinga vana vena nkangu a Isaele.+
3 Otungulwidi mabata mana Kizekeya wa se diandi kabangula,+ otungidi maziku ma Bale, odongekele vindi diavauka,*+ nze una wavanga Akabi wa ntinu a Isaele.+ Ovumbamene vu kiawonso kia zulu yo sadila kio.+
4 Otungidi mpe maziku muna nzo a Yave,+ ina Yave kavovela vo: “Isia nkumbu ame muna Yerusaleme.”+
5 Otungidi mpe maziku mu kuma kia vu kiawonso kia zulu+ muna yanzala yau yole ya nzo a Yave.+
6 Oyokele* mpe mwan’andi vana tiya; ovandidi nkisi, otesese ngombo,+ otumbikidi nganga za matombola ye nganga za ngombo.+ Ovangidi mambu mayingi mambi vana meso ma Yave muna kunkendeleka.
7 E teke kiavalwa kia vindi diavauka*+ kina kavanga osidi kio muna nzo ina Yave kavovesela Davidi yo Solomo wa mwan’andi vo: “Muna nzo yayi ye muna Yerusaleme ina yasola muna makanda mawonso ma Isaele, isia mo e nkumbu ame yakwele mvu.+
8 Kiyunganesa diaka malu ma Isaele ko kuna kwandá ye nsi ina yavana kwa mase mau,+ avo batomene lemvokela mawonso yabakanikina,+ o Nsiku awonso una Mose wa selo kiame kabakanikina vo balanda wo.”
9 Kansi ke balemvokele wo ko, Manase okwamanene kubavukumuna yo kubafila mu vanga e mbi lutila e zula ina Yave kafwasa vana vena Aneyisaele.+
10 Yave okwamanene vova muna selo yandi angunza,+ oku vo:
11 “Manase wa ntinu a Yuda ovangidi mawonso mama mangemi; olutidi vanga e mbi ke mu wan’a Yamore+ awonso ko ana bamvita+ yo sumukisa Yuda muna teke yandi yangemi.*
12 I wau wuwu kavovele o Yave wa Nzambi a Isaele: ‘E mpasi itwasa muna Yerusaleme+ ye muna Yuda zilunzisa matu ma ndiona owá zo.+
13 Teza iteza Yerusaleme ye nsing’a+ tezela wasadilwa mu teza Samaria+ ye muna nsing’a nzaba* wasadilwa mu teza nzo ya Akabi,+ sukula isukula Yerusaleme wauna usukulwilwanga e pidi, sukula isukula yo, yo bukika yo.+
14 Bembola ibembola e nsadisw’a vua diame,+ ikubayekola vana moko ma mbeni zau, bekituka se sanzu kuna kwa mbeni zau zawonso,+
15 kadi bavangidi mambu mambi vana meso mame, bekunkendelekanga tuka e lumbu kina kiavaika mase mau muna Engipito yamu unu kiaki.’”+
16 Manase mpe wabungula menga mayingi ma minkondwa-kuma,+ yavana kazadisa Yerusaleme yawonso. Vana ntandu, wanata e sumu dina diavukumuna Yuda mu vanga mambu mambi vana meso ma Yave.
17 Vo i mambu mankaka ma lusansu lwa Manase ye mawonso kavanga ye masumu kavola, nga ke masonama ko muna nkand’a lusansu lwa ntinu mia Yuda?
18 Manase olele yo mase mandi, ozikilu muna mpatu a nzo andi, muna mpatu a Uza;+ o mwan’andi Amone oyantikidi yala vana fulu kiandi.
19 Amone+ mvu 22 kakala miau vava kayantika yala, mvu miole kayala muna Yerusaleme.+ E nkumbu a ngudi andi Mesulemete wa mwan’ankento a Karuse wa musi Yoteba.
20 Wavanga mambu mambi vana meso ma Yave wauna Manase wa se diandi kavanga.+
21 Wakangalela muna nzila zawonso zina se diandi kakangalela, wakwamanana sadila yo vumbamena teke yangemi ina se diandi kasadila.+
22 Oyambwidi Yave wa Nzambi a mase mandi, kadiatidi muna nzil’a Yave ko.+
23 Kuna kwalanda, e selo ya Amone bamvuandidi e mfulu, bavondele ntinu muna nzo andi.
24 Kansi, nkangu a nsi bavondele awonso ana bavuandila Amone wa Ntinu e mfulu, batumbikidi Yosiya wa mwan’andi se ntinu vana fulu kiandi.+
25 Vo i mambu mankaka ma lusansu lwa Amone ye mana kavanga, nga ke masonama ko muna nkand’a lusansu lwa ntinu mia Yuda?
26 Amone ozikilu muna ziami kiandi muna mpatu a Uza,+ o mwan’andi Yosiya+ oyantikidi yala vana fulu kiandi.
Mvovo vana yand'a lukaya
^ Tala Nsas’a Mvovo.
^ Yovo “Oviokese.”
^ Tala Nsas’a Mvovo.
^ O mvovo wa Kiyibere nanga ngwizani wina yo mvovo “doti,” usadilwanga se mvovo a luvezo.
^ Nsinga usadilwanga kwa atungi muna singika e yaka.
