Wanzole wa Samuele 16:1-23
16 Vava Davidi kavioka mbat’a mongo,+ Siba+ wa selo kia Mefibosete+ wele kunkika ye mabuluku mole manata 200 za mbolo, ye 100 mbolo zasangwa uva, 100 mbolo zasangwa bundu ya nsungi a mvula* ye nkalu anene ya vinyu.+
2 O ntinu oyuvuidi Siba vo: “Ekuma otwasidi e lekwa yayi?” Siba ovutwidi vo: “O mabuluku mama i mu kuma kia esi nzo a ntinu kimana bendela mo, e mbolo ye bundu ya nsungi a mvula, ya matoko kimana badia, e vinyu ya awana bayoyele muna makanga kimana banua.”+
3 O ntinu oyuvuidi vo: “Mwan’a mfumu aku akweyi kena?”+ Siba ovutwidi ntinu vo: “Osidi kuna Yerusaleme, kadi ovovele vo: ‘O unu e nzo a Isaele ikumputulwila kintinu kia se diame.’”+
4 Ntinu ovovese Siba vo: “Tala, yawonso ya Mefibosete se yaku.”+ Siba ovutwidi vo: “Mvumbamene ova ndose aku. Yambula yamwenua e dienga vana meso maku, e mfumu ame wa ntinu.”+
5 Vava ntinu Davidi kalwaka kuna Bakurimi, muntu mosi wa yitu kia Saulu, nkumbu andi Simei+ wa mwan’a Ngera, ovaikidi yo kuntianguna ekolo kafinamanga.+
6 Otubidi Davidi matadi ye selo yawonso ya Davidi wa Ntinu, ye nkangu wawonso yo makesa makala kuna lunene ye kuna lumonso lwa ntinu.
7 Simei otiangwini Davidi oku vo: “Vaika, vaika, nati a nkanu a menga! U muntu ambi!
8 Yave uyekekele menga mawonso ma nzo a Saulu, wau wayadila vana fulu kiandi, Yave oyekwele kintinu vana moko ma Abesalome wa mwan’aku. Owau e mpasi zilwakidi, kadi u nati a nkanu a menga!”+
9 Abisai wa mwan’a Seruya+ ovovese ntinu vo: “E mbwa yayi yafwa,+ ekuma kafwete tiangunuina mfumu ame wa ntinu?+ Dodokolo, yambula ngienda kunzenga o ntu.”+
10 Kansi, ntinu ovovele vo: “Nkia diambu ngina diau yo yeno wan’a Seruya?+ Yambula kantianguna,+ kadi Yave umvovese vo:+ ‘Tianguna Davidi!’ Dianu vo, nani olenda vova vo, ‘Ekuma ovangidi ediadi?’”
11 Davidi ovovese Abisai ye selo yandi yawonso vo: “O mwan’ame watuka omu nim’ame ovavanga moyo ame,+ nga Benyamini+ ndioyu keluta wo vanga ko e? Nuyambula kantianguna, kadi Yave umvovese wo!
12 Nanga Yave omona mpasi zame,+ Yave okunsambula vana fulu kia sibu ina nsibilu unu.”+
13 Davidi yo nkangu andi bakwamanene kwenda muna nzil’au, ekolo Simei kayendelanga muna mbela-mbel’a mongo, watiangunanga+ yo tuba matadi yo ntoto ayingi.
14 I bosi, ntinu yo nkangu wawonso kakala wau, balweke kuna bayendanga, bayoyele yo vunda.
15 Muna kolo kiakina, Abesalome yo nkangu wawonso a Isaele balweke muna Yerusaleme, Akitofele+ mpe wakala yandi.
16 Kusai+ wa Nyareka+ wa nkundi a Davidi vava kalwaka kwa Abesalome, Kusai ovovese Abesalome vo: “Zinga kwaku e ntinu!+ Zinga kwaku e ntinu!”
17 Abesalome ovovese Kusai vo: “I mpila yayi osongele walakazi kwa nkundi aku e? Ekuma olembele kwendela yo nkundi aku?”
18 Kusai ovutwidi Abesalome vo: “Ve, ku sambu dia ndiona kasolele Yave ikala, kwa nkangu wau ye nkangu wawonso a Isaele. Kwa yandi ikala.
19 Mpovele diaka vo: Nani isadila? Nga ke mwan’andi ko e? Wauna yasadila se diaku i una mpe ikusadila.”+
20 I bosi, Abesalome ovovese Akitofele vo: “Umpana luludiku.+ Adieyi tufwete vanga?”
21 Akitofele ovovese Abesalome vo: “Wenda leka makangu ma se diaku+ ana kasisidi balangidila e nzo.*+ Isaele yawonso vava bewá wo vo se diaku umengene, awana bekuyikamanga bekumama.”
22 Muna kuma kiaki, batelamesene Abesalome e saba vana nludi,+ Abesalome olele makangu ma se diandi+ vana meso ma Isaele yawonso.+
23 Muna lumbu yayina, o luludiku lwa Akitofele+ lwabadikilwanga nze* diambu dia Nzambi aludi. I wau wuwu Davidi yo Abesalome babadikilanga luludiku lwawonso lwa Akitofele.
Mvovo vana yand'a lukaya
^ Musungula bundu ya nsanda, nanga ye dinsongwa mpe.
^ Yovo “lûmbu.”
^ Yovo “muntu oyuvuidi.”
