Wanzole wa Samuele 22:1-51
22 Muna lumbu kina Yave kamvuluza vana moko+ ma mbeni zandi+ zawonso ye vana moko ma Saulu, Davidi wayimbila nkunga wau+ kwa Yave.
2 Oku vo:
“Yave i tadi diame, i swekameno diame diangolo+ ye mvuluzi ame.+
3 Nzambi ame i tadi diame,+ muna yandi itinina,I ngubu ame+ ye mpok’ame* a luvuluzu,* i tininu diame diasikila*+I fulu kiame kiatinina,+ mvuluzi ame;+ okumpuluza muna nsoki.
4 Mbokele Yave, ona ofwene kembelwa,Kampuluza muna mbeni zame.
5 E mavuku ma lufwa mafwasakesa yawonso yinzungidi;+O wantu akondwa mfunu bambwesese wonga nze kizalu.+
6 E nsinga mia Ziami* minzingalakene;+E ntambu mia lufwa mimbakidi.+
7 Muna mpasi zame mbokele Yave,+Nkwamanene bokela Nzambi ame.
Owidi e nding’ame tuka muna tempelo andi,E kazu kiame kilweke muna matu mandi.+
8 E ntoto uyantikidi nikuka yo zakama;+E nkubilwa za zulu zizakamene+Zizakamene kadi ofungidi o makasi.+
9 Muna mazunu mandi mwavaika mwisi,Muna nu’andi mwavaika tiya twa mbomoni;+Makala ma tiya mavaika muna yandi malemanga.
10 Wafumbika e zulu yo kulumuka,+E tombe kiangolo kikilu kikedi kuna nsi a tambi yandi.+
11 Wizidi tilumuka vana ntandu a nkelubi.+
Wamoneka muna mave ma mbasi.*+
12 I bosi uyizungidi e tombe nga saba,+Muna maza mandombe ye matuti malomboka.
13 Tuka muna ntemo wina vana kena muvaikidi makala ma tiya.
14 I bosi Yave oyantikidi talumuka tuka kuna zulu;+O Mpungu-nene owisisi nding’andi.+
15 Onongene nzanza zandi,+ ubamwanganese;Ovaikisi nsemo, ubakotese muna mvuangalakani.+
16 E sina dia kalunga dimonekene;+E nkubilwa za ntoto zisenzamene muna lusembo lwa Yave,Muna mpemo a mazunu mandi.+
17 Olambwidi koko kwandi tuka kuna ntandu;Umbongele ye kuntombola muna nsi a maza.+
18 Umpulwizi vana moko ma mbeni ame angolo,+Vana moko m’awana bambenga, ana bansunda e ngolo.
19 Bandwanisa muna lumbu kia mpasi zame,+Kansi o Yave wansadisa.
20 Wampaikisa yo kundata vana fulu kiavuvama;*+Wampuluza kadi wangiangalela.+
21 Yave wansenda muna kuma kia unsongi wame;+Wamputulwila muna kuma kia moko mame makondwa-kuma.*+
22 Kadi ilundanga nzila za Yave,Kivangidi vilwa wa yambula Nzambi ame ko.
23 E nzengo zandi zawonso+ zina ova ndose ame;Kivengomoka muna nsiku miandi ko.+
24 Kikala ye tumbu ko+ vana ndose andi,Ikuyikenga muna mbi.+
25 Yambula Yave kansenda muna kuma kia unsongi wame,+Wau nkondelo kuma vana ndose andi.+
26 Kuna kwa nkwa kwikizi, okuyisonga vo u nkwa kwikizi;+Kuna kwa munkondwa-kuma yo nkwa ngolo, okuyisonga vo wakondwa-kuma;+
27 Kuna kwa mveledi, okuyisonga vo u mveledi,+Kuna kwa mbendomoki, okuyisonga vo u nkwa ngangu.+
28 Kadi ovuluza alembami,+Kansi, akwa lulendo okubasianga e kitantu yo kubakulula.+
29 Kadi ongeye u ntemo ame, e Yave;+Yave okitulanga e tombe kinzietele se ntemo.+
30 Muna lusadisu lwaku, ndenda nuana ye buka kia asanzi;Muna ngolo za Nzambi ndenda manta e yaka.+
31 E nzil’a Nzambi aludi yalunga;+E diambu dia Yave diavelela.+
Yandi i ngubu kwa awonso betininanga kwa yandi.+
32 Nani i Nzambi avo ke Yave kaka ko e?+
Nani i tadi avo ke Nzambi eto kaka ko e?+
33 O Nzambi aludi i swekameno diame diangolo,+Osingika e nzil’ame.+
34 Okitwidi malu mame nga ma nkayi;Untelamese muna fulu yazanguka.+
35 Okundonganga nuana e vita;Moko mame malenda fumbika mfumba wa nsongo.
36 Umpene ngubu aku ya luvuluzu,Lulembamu lwaku luntundidikidi.+
37 Osanzwidi e nzil’a tambi yame;E tambi yame ke isielomoka ko.+
38 Lakama ilakama mbeni zame, yabafwasa;Kivutuka ko yavana ikubafukisa emvimba.
39 Ikubafwasa yo kubakosomona, kimana balembi telama diaka;+Ikubadiatakesa kuna nsi a tambi yame.
40 Okumpana ngolo za nuanina e vita;+Obwisa mbeni zame vana ndose ame.+
41 Oyambula vo mbeni zame bantina;*+Sukisa isukisa* awana bambengene.+
42 Bakazidi, kansi ke vena muntu ko okubavuluza;Bakazidi nkutu kwa Yave, kansi kabatambulwidi ko.+
43 Ikubafusakesa nga mbundukutu a ntoto;Ikubatufakesa yo kubadiatakesa nga nteke muna nzila.
44 Okumpuluza muna makumbu ma nkangu ame.+
Okuntanina kimana yakala se ntu vana vena e zula;+O nkangu una kizeye ko, ukunsadila.+
45 Anzenza bekwiza oku ngina ye wonga;+Mana bewá mu kuma kiame mekubafila muna kundemvokela.*
46 Anzenza ke bekala diaka ye unkabu ko;*Bevaika ye wonga muna matininu mau.
47 Yave i Nzambi amoyo! Yambula e Tadi diame diakembelwa!+
Yambula Nzambi wa tadi dia luvuluzu lwame katundidikwa.+
48 Nzambi aludi okundandila e kunda;+Oyambula vo nkangu miandemvokela;+
49 Umpulwizi vana moko ma mbeni zame.
Untundidikidi+ vana vena awana bekundwanisanga;Umpulwizi vana moko ma akwa nsoki.+
50 I dianu vo, ikuvutula matondo vana vena zula,+ e Yave,Yo yimbidila nkumbu aku:+
51 Ovangidi mavangu manene muna vuluza ntinu andi;+Osonganga walakazi kwa kuswa kiandi,Kwa Davidi ye mbongo andi yakwele mvu.”+
Mvovo vana yand'a lukaya
^ Tala Nsas’a mvovo.
^ Yovo “mvuluzi ame a nkuma.”
^ Yovo “tininu diame diazanguka.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “mave ma mwanda.”
^ Yovo “kiasanzuka.”
^ Mvovo wa sina: “moko mame mavelela.”
^ Yovo “Okumpana nima za mbeni zame.”
^ Mvovo wa sina: “Ikanga e nua mia.”
^ Mvovo wa sina: “Vava bewa muna matu, bekundemvokela.”
^ Yovo “belala.”
