Wanzole wa Samuele 3:1-39
3 E vita kolo kiayingi yakala muna nzo a Saulu ye nzo a Davidi; Davidi wakumamanga kaka,+ kansi e nzo a Saulu yayoyanga kaka.+
2 Kuna kwalanda, Davidi owutidi wan’amakala kuna Keberone.+ O mwan’andi wantete i Amenone,+ o ngudi andi Akinoame+ wa musi Yizerele.
3 Ona wanzole i Kilabi, o ngudi andi Abingaile+ ona wakala nkaz’a Nabale wa musi Kamele. Ona wantatu Abesalome,+ o ngudi andi Maka wa mwan’a Talemai+ wa ntinu a Ngesu.
4 Ona wanyá Adoniya,+ o ngudi andi Kangiti, ona watanu Sefateya, o ngudi andi Abitale.
5 Ona wasambanu Yiterame, o ngudi andi Engela wa nkaz’a Davidi. Awaya i wana kawuta Davidi muna Keberone.
6 Ekolo vita yakala muna nzo a Saulu ye nzo a Davidi, Abene+ watoma kumama muna nzo a Saulu.
7 Saulu wakala yo nkento wankaka, nkumbu andi Resepa+ wa mwan’a Aya. Lumbu kimosi Isi-bosete+ ovovese Abene vo: “Ekuma olekele yo nkento a se diame?”+
8 Abene ofwemene kikilu muna mvovo mia Isi-bosete, ovovele vo: “Nga mono i mbwa* ya Yuda? Yamu unu isonganga walakazi kwa nzo a Saulu wa se diaku, kwa mpangi zandi ye akundi andi, kiyekwele vana moko ma Davidi ko; o unu umbokele ye kuntumba mu kuma kia vilwa mpangidi muna nkento ndioyo.
9 Yambula Nzambi kantumba yo sakisa wo vanga avo kivangidi kwa Davidi ko dina Yave kandila e ndofi:+
10 i sia vo, kakatula kintinu muna nzo a Saulu yo sikidisa kunda kia Davidi muna Isaele ye Yuda, tuka kuna Dani yakuna Bere-seba.”+
11 Isi-bosete kalendele vutula diaka Abene diambu ko, kadi wonga kamwenene.+
12 Vana vau Abene otumini anati a nsangu kwa Davidi, oku vo: “E nsi ya nani?” Okudikidi vo: “Kanga yame e kangu, ivanga mawonso ndenda* muna vutula Isaele yawonso kuna sambu diaku.”+
13 Davidi ovutwidi vo: “Diamatondo! Ikanga yaku e kangu. Kansi diambu dimosi ikulomba, vava okwiza kuntala kumona mpolo ame ko avo kutwese Mikale+ wa mwan’a Saulu ko.”
14 Ozevo, Davidi otwikidi anati a nsangu kwa Isi-bosete+ wa mwan’a Saulu, oku vo: “Umpana nkaz’ame Mikale ona yasompela muna 100 kutu ya Afelesetia.”+
15 Isi-bosete otumini wantu benda katula Mikale kwa nkaz’andi Palatiele+ wa mwan’a Laisi.
16 Palatiele wele yandi, wele anlandi yo bokomoka ye dilu yakuna Bakurimi.+ I bosi, Abene umvovese vo: “Katuka, vutuka kuna nzo aku!” Ovutukidi kwandi.
17 Muna kolo kiakina, Abene otumini nsangu kwa akuluntu a Isaele, oku vo: “Se tuka kolo nuvavanga vo Davidi kakala ntinu eno.
18 Owau nuvanga wo, kadi Yave wavova mu kuma kia Davidi vo: ‘Muna ntaudi ame Davidi+ ivuluzila nkangu ame Isaele vana moko ma Afelesetia ye vana moko ma mbeni zau zawonso.’”
19 Abene omokene yo nkangu a Benyamini.+ I bosi, Abene wele mokena mpe yo Davidi kuna Keberone muna kunzayisa mana Isaele kawizana ye nzo awonso ya Benyamini.
20 Vava Abene kalweke kwa Davidi kuna Keberone kumosi yo wantu 20, Davidi olambisi e lambu mu kuma kia Abene yo wantu bakala yandi.
21 Abene ovovese Davidi vo: “Yambula ngienda kutakesa Isaele yawonso oku kwa mfumu ame wa ntinu, bakanga yaku e kangu, wayala mwawonso muna ozolele.”* Davidi osindikidi Abene, wele kwandi kuna luvuvamu.
22 Muna ntangwa yayina, Yoabe ye ntaudi za Davidi batukidi kuna vita, batwese e sanzu diayingi. Abene kakala diaka yo Davidi kuna Keberone ko, kadi Davidi wansindika kuna luvuvamu.
23 Yoabe+ yo makesa mawonso vava balweke, bamvovese vo: “Abene+ wa mwan’a Ne,+ wizidi kwa ntinu, o ntinu unsidikidi, wele kwandi kuna luvuvamu.”
24 Yoabe wele kwa ntinu, umvovese vo: “Adieyi ovangidi? Abene wizidi kwa ngeye. Ekuma unsindikidi kenda kwandi?
25 Otomene zaya Abene wa mwan’a Ne! Vuna kezidi kuvuna, wizidi zaya ngienda zaku zawonso ye mawonso ovanganga.”
26 Yoabe okatukidi vana ndose a Davidi, otumini wantu benda landi Abene, bamvutulwisi vana sima kia Sera; kansi Davidi kazaya wo ko.
27 Vava Abene kavutukidi kuna Keberone,+ Yoabe unete vana ndambu a vitu kimana kamokena yandi vana fulu kia yau awole kaka. I vâna kansukidi nsosolo muna vumu, ofwidi;+ ovangidi wo, kadi yandi wavonda* Asaele+ wa mpangi andi.
28 Vava Davidi kawidi wo, ovovele vo: “Yave otomene wo zaya vo omono ye kintinu kiame ke tuna kikilu ye kuma ko+ muna lufwa lwa Abene wa mwan’a Ne.
29 Yambula menga mandi makala muna ntu a Yoabe+ ye nzo a se diandi yawonso. Muna nzo a Yoabe ke mukondwa yakala ko oyela mpulula*+ yovo wazi+ ngatu yakala osadila mbutu* yovo ona ovondelwa muna nsosolo yovo ona okondwa madia!”+
30 Yoabe yo mpangi andi Abisai+ bavondele Abene,+ kadi yandi wavonda Asaele wa mpangi au muna vita+ kuna Ngibone.
31 Davidi ovovese Yoabe yo nkangu wawonso wakala yandi, oku vo: “Nutiazuna mvuatu mieno, nuvuata ngoto yo dila Abene.” Davidi wa ntinu wele landi e vimbu dianatwanga kuna luziku.
32 Bazikidi Abene kuna Keberone; o ntinu obokomokene ye dilu vana ziami kia Abene, nkangu wawonso mpe udididi.
33 O ntinu obongele mbembo mu kuma kia Abene, oku vo:
“Ekuma Abene kafwididi nze zowa?
34 Moko maku ke makangama ko,E malu maku ke masiwa mu luvambu* ko.
Obwidi nze muntu obwidi vana vena yimpumbulu.”*+
O nkangu wawonso undididi diaka.
35 I bosi, o nkangu wawonso batwasidi Davidi mbolo muna kumfiaulwisa* wau kwakinu mwini, kansi, Davidi odidi e ndofi vo: “Yambula Nzambi kantumba yo sakisa wo vanga, avo ngielekele mbolo yovo konso lekwa yavana kidimuka e ntangwa.”+
36 Nkangu wawonso bamwene dina divangamene, bayangalele. Mawonso kavanga o ntinu mayangidika nkangu wawonso.
37 Dianu vo, e lumbu kiakina Isaele yawonso yo nkangu babakwidi vo, ke ntinu ko wavondesa Abene wa mwan’a Ne.+
38 O ntinu ovovese ntaudi zandi vo: “Nga ke nuzeye wo ko vo mfumu, muntu anene obwidi o unu mu Isaele?+
39 O unu ntovokele, kana una vo yakuswa se ntinu,+ o wantu awaya, wan’a Seruya+ akwa nsoki oku ngina.+ Yambula Yave kavutulwila mumpanga-mambi mun’owu wa mbi andi.”+
Mvovo vana yand'a lukaya
^ Mvovo wa sina: “i ntu a mbwa.”
^ Mvovo wa sina: “tala, o koko kwame kukala yaku.”
^ Yovo “muna o moyo aku uzolele.”
^ Mvovo wa sina: “mu kuma kia menga ma.”
^ I sia vo, kimbevo kiasonsa maza kuna kiyakala.
^ E mbutu i nti wasadilwanga muna zekela e vusu. Nanga mvanguki wavavanga sala e salu kia akento.
^ Mvovo wa sina: “nsongo.”
^ Mvovo wa sina: “wan’avilwa.”
^ Yovo “mbolo a kifwidi.”
