Wanzole wa Samuele 4:1-12
4 Isi-bosete wa mwan’a Saulu,+ vava kawidi wo vo Abene ofwidi kuna Keberone,+ kakala diaka yo unkabu ko,* Aneyisaele awonso bamwene wonga.
2 Vakala ye wantu wole batwadisanga e buka y’asanzi ya Isi-bosete wa mwan’a Saulu: mosi nkumbu andi Bana, wankaka Rekabe. Wan’a Rimone wa Mberote, muna kanda dia Benyamini. (Kadi Berote+ yabadikilwanga mpe vo zunga kia Benyamini.
3 Aneberote batinini kuna Ngitaime,+ i kuna bekadilanga se nzenza yamu unu kiaki.)
4 Yonatane wa mwan’a Saulu+ wakala ye mwan’a yakala, mvanguki a malu.*+ Mvu tanu kakala vava nsangu za lufwa lwa Saulu yo Yonatane zalwaka muna Yizerele,+ o ndezi andi umbongele otinini yandi, ekolo katinanga ye wonga, mwana osotokele yo kituka se mvanguki a malu. E nkumbu andi Mefibosete.+
5 O wan’a Rimone wa Mberote, Rekabe yo Bana bele kuna nzo a Isi-bosete muna mwini angolo, wau kavundidinge muna midi.
6 Bakotele muna nzo nze yau bele bonga witi, bantompwele muna vumu; i bosi, Rekabe yo Bana+ wa mpangi andi batinini.
7 Vava bakota muna nzo, waleka kakala muna suku, vana mfulu andi, bantompwele yo kumvonda, i bosi, banzengele o ntu. Banete ntu andi, badiete fuku wawonso muna nzil’a Araba.
8 Balweke kuna Keberone, basunzwidi o ntu a Isi-bosete+ kwa Davidi, bavovele kwa ntinu vo: “Tala o ntu a Isi-bosete wa mwan’a Saulu wa mbeni aku+ ona wavavanga moyo aku.+ O unu Yave olandidi o mfumu ame wa ntinu e kunda muna Saulu ye mbongo andi.”
9 Kansi, Davidi ovutwidi kwa wan’a Rimone wa Mberote, Rekabe yo Bana wa mpangi andi vo: “Ndidi e ndofi muna Yave wa Nzambi amoyo, ona wampuluza* muna mpasi zawonso,+
10 vava muntu kantwasila e nsangu, oku vo: ‘Saulu ofwidi,’+ edi kabanza vo nsangu zambote kantwasila, imbakidi yo kumvondela+ kuna Sikelange. I mpila yayi yansendela.
11 Nga kina ye kuma kisundidi ko mu vanga wo mpe kwa yimpumbulu ana bavondele muntu ansongi muna nzo andi, vana mfulu andi? O menga mandi vana moko meno ivavila mo,+ yanufukisa ova nza.”
12 I dianu vo, Davidi okanikini matoko babavonda.+ Bababukwini moko yo malu, babazembekele+ vana ndambu a sima kia Keberone. Babongele ntu a Isi-bosete bazikidi wo muna ziami kia Abene muna Keberone.
Mvovo vana yand'a lukaya
^ Mvovo wa sina: “moko mandi malebokele.”
^ Yovo “ntedinge.”
^ Yovo “wakûla moyo ame.”
