Wanzole wa Samuele 8:1-18
8 Kuna kwalanda, Davidi wanuanisa yo tufakesa Afelesetia,+ Davidi okutumwini Metenge-ama vana moko ma Afelesetia.
2 Otufakese esi Moabe,+ ubalavidikidi vana ntoto yo kubatezela muna nsinga. Awana bafwete vondwa ubatezele muna nsinga miole, awana bafwete vukiswa ubatezele muna nsinga mosi.+ Esi Moabe bakitukidi se ntaudi za Davidi yo kuntwasila vaku.+
3 Davidi otufakese Kadadeze wa mwan’a Rekobe wa ntinu a Soba+ vava kayenda vutulwisa wisa kiandi kuna mvivu a Nzadi a Uferate.+
4 Davidi obakidi 1.700 za akwa mvalu ye 20.000 ma makesa badiatilanga kia malu. I bosi, Davidi ozengele mianzi mia kole ya mvalu miawonso miatuntanga makalu ma vita, osisidi kaka 100 mvalu mia makalu ma vita.+
5 Esi Suria ya Damaseke+ vava bezidi sadisa Kadadeze wa ntinu a Soba, Davidi ovondele 22.000 ma esi Suria.+
6 Davidi osidi makesa mandi muna Suria ya Damaseke, Esi Suria bakitukidi ntaudi za Davidi yo kuntwasila e vaku. Yave wavananga nsundidi kwa* Davidi konso kuna kayendanga.+
7 Davidi obongele ngubu* za wolo za ntaudi za Kadadeze, otwese zo kuna Yerusaleme.+
8 Davidi wa Ntinu obongele nsongo yayingi muna Betake ye Berota, mbanza za Kadadeze.
9 Toi wa Ntinu a Kamati+ owidi wo vo Davidi otufakese makesa mawonso ma Kadadeze.+
10 Toi otumini Yorami wa mwan’andi kwa Davidi wa Ntinu, kanyuvula o vimpi yo kuntonda wau kanuanisi Kadadeze yo kuntufakesa (kadi o Kadadeze wanuananga yo Toi), untwasidi salanganu ya palata, ya wolo ye ya nsongo.
11 Davidi wa Ntinu ovaudi yo kwa Yave, e palata ye wolo una kavawidi muna zula yawonso ina kakulula:+
12 muna Suria yo Moabe,+ muna Aneyamone ye Afelesetia,+ ye Aneyamaleke,+ ye muna sanzu dia Kadadeze+ wa mwan’a Rekobe wa ntinu a Soba.
13 Davidi wakivangila mpe nkumbu ambote vava kavutuka muna vita ina kavondela 18.000 ma esi Edome muna Ndimb’a Mungwa.+
14 Osidi makesa muna Edome. Muna Edome yawonso i kasidi makesa, esi Edome awonso bakitukidi ntaudi za Davidi.+ Yave wavananga nsundidi kwa* Davidi konso kuna kayendanga.+
15 Davidi wayalanga Isaele yawonso,+ Davidi wayadilanga muna unsongi ye ziku+ muna wete dia nkangu andi wawonso.+
16 Yoabe+ wa mwan’a Seruya i mfumu a makesa, Yosafate+ wa mwan’a Akiludi i nsoneki a lusansu.
17 Sadoke+ wa mwan’a Akitubi yo Akimeleke wa mwan’a Abiata i nganga, o Seraya i nsoneki.
18 Benaya+ wa mwan’a Yoyada yandi wavitanga o ntu vana vena Anekerete yo Anepelete.+ O wan’a Davidi bakituka se mbanda-mbanda.*
Mvovo vana yand'a lukaya
^ Yovo “wavuluzanga.”
^ Yovo “ngubu zavindumuka.”
^ Yovo “wavuluzanga.”
^ Mvovo wa sina: “bakituka se anganga.”
