Wanzole wa Tusansu 1:1-17
1 Solomo wa mwan’a Davidi wakumama muna kimfumu kiandi. Yave wa Nzambi andi wakala yandi, wantundidika kikilu.+
2 Solomo obokelese Isaele yawonso, mfumu za mafunda ye mfumu za nkama, afundisi ye mbuta zawonso za Isaele ye ntu mia nzo za mase.
3 Solomo ye nkutakani yawonso bele kuna bata kuna Ngibone,+ kadi i kuna kwakala e saba kia wananina kia Nzambi aludi, kina katunga o Mose wa selo kia Yave muna makanga.
4 Kansi, Davidi wateka katula e Nkel’a Nzambi a ludi kuna Kireyate-yarimi+ yo nata yo kuna fulu kina Davidi kakubikila yo; kadi watungisila yo e saba muna Yerusaleme.+
5 E ziku dia nsongo+ dina kavanga Besalele+ wa mwan’a Ure wa mwan’a Kuru, diakala vana vena saba kia Yave; Solomo ye nkutakani i vâna basambilanga.*
6 Solomo i vâna katambikidi tukau vana vena Yave, otambikidi 1.000 dia tukau twangioka vana ziku dia nsongo+ muna saba kia wananina.
7 Muna fuku wauna, Nzambi omonekene kwa Solomo, umvovese vo: “Lomba konso kina ozolele vo yavana.”+
8 Muna diadi, Solomo ovovele kwa Nzambi vo: “Walakazi* wayingi wasonga kwa Davidi+ wa se diame, ungiadikidi se ntinu vana fulu kiandi.+
9 Owau, e Yave wa Nzambi ame, yambula nsilu aku kwa Davidi wa se diame walungana,+ kadi unkitwidi se ntinu a nkangu wayingi nze mbundukutu a ntoto.+
10 Umpana ngangu yo zayi+ kimana yafila nkangu wau,* kadi nani olenda fundisa nkangu aku wau wayingi?”+
11 Nzambi ovovese Solomo vo: “Wau vo lwalu i luzolo lwa ntim’aku, kulombele mavua ko yovo umvuama yovo zitu yovo lufwa lwa* awana bàmengene, ngatu lomba zingu kiandá,* kansi olombele ngangu yo zayi wafundisila nkangu ame, una itumbikidi se ntinu,+
12 ikuvana ngangu yo zayi; ikuvana mpe mavua ye kimvuama yo zitu una ke usidi kala ye konso ntinu ko wavita ngatu ona okulandila.”+
13 Solomo okatukidi kuna bata dia Ngibone,+ kuna saba kia wananina, wizidi kuna Yerusaleme; oyadidi Isaele.
14 Solomo okwamanene wokesa makalu mavita ye mvalu;* okedi ye 1.400 za makalu ma vita, 12.000 ma mvalu,*+ osidi mio muna mbanza za makalu ma vita,+ lukufi yo ntinu muna Yerusaleme.+
15 O ntinu owokese palata ye wolo muna Yerusaleme nze matadi,+ e mabaya ma nsedele nze nsanda muna Sefela.+
16 E mvalu mia Solomo ku Engipito miatukanga,+ akiti a ntinu basumbanga e buka ya mvalu* muna ntalu yasikidiswa.+
17 Konso kalu dia vita diasumbilwanga mu 600 za sekele za palata muna Engipito, konso mvalu wafwanga 150; i bosi oyau mpe batekanga mio kwa atinu awonso a Anekete ye atinu a Suria.
Mvovo vana yand'a lukaya
^ Yovo “bantombelanga.”
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
^ Mvovo wa sina: “yavaika yo kota vana vena nkangu.”
^ Yovo “mioyo mia.”
^ Mvovo wa sina: “lumbu yayingi.”
^ Yovo “akwa mvalu.”
^ Yovo “akwa mvalu.”
^ Nanga, “tuka kuna Engipito ye Koa. Akiti a ntinu basumbanga mio kuna Koa,” nanga kuna Kilikia.
