Wanzole wa Tusansu 12:1-16
12 Vava kintinu kia Rekabame kiasikila+ yo kumama, wayambula Nsiku a Yave,+ nkangu a Isaele wawonso wakala yandi bavanga diau dimosi.
2 O mvu una watanu wa luyalu lwa Rekabame wa Ntinu, Sisaki+ wa Ntinu a Engipito otombokele kanuanisa Yerusaleme, kadi ke basikila ye kwikizi ko muna Yave.
3 Okedi ye 1.200 za makalu ma vita, 60.000 m’akwa mvalu yo makesa malembi tangakana, bezidi yandi tuka kuna Engipito—esi Libia, Sukimi ye esi Etiopia.+
4 Obakidi mbanza za ngolo za Yuda yo lwaka kuna Yerusaleme.
5 Semaya+ wa ngunza wele kwa Rekabame ye kwa mfumu za Yuda ana bakutakana kuna Yerusaleme mu kuma kia Sisaki, ubavovese vo: “I wau wuwu kavovele o Yave, ‘Wau vo nungiambwidi, mono mpe inuyambwidi+ vana moko ma Sisaki.’”
6 Muna kuma kiadi, akuluntu a Isaele ye ntinu bayikulwidi,+ bavovele vo: “Yave wansongi.”
7 Yave vava kamwene vo bayikulwidi, e diambu dia Yave dizidi kwa Semaya, oku vo: “Bayikulwidi. Kikubafwasa ko,+ ke kolo ko ikubavuluza. Kitumbila* Yerusaleme muna Sisaki ko.
8 Kansi, bekala se ntaudi zandi, kimana bazaya e nswaswani ina muna kunsadila yo sadila ntinu* mia nsi zankaka.”
9 I bosi, Sisaki wa ntinu a Engipito wizidi nuanisa Yerusaleme. Obongele lusalu lwa nzo a Yave+ ye lusalu lwa nzo a* ntinu. Obongele yawonso, kumosi ye ngubu zawonso za wolo zina kavanga o Solomo.+
10 Muna kuma kiaki, Rekabame wa Ntinu ovangidi ngubu za nsongo yo vingisa zo vana fulu kia ngubu za wolo, ovene zo kwa mfumu za ayingidi* ana bayingilanga e mwelo a nzo a ntinu.
11 O ntinu konso ntangwa kakotanga muna nzo a Yave, ayingidi bakotanga ye ngubu zau, i bosi bavutulanga zo muna suku dia ayingidi.
12 Wau vo ntinu ukikulwidi, makasi ma Yave makatukidi muna yandi,+ kabafukisi ko.+ Vana ntandu, muna Yuda mwasoloka mambu mankaka mambote.+
13 Rekabame wa Ntinu osiamisi wisa kiandi muna Yerusaleme, okwamanene yala; Rekabame mvu 41 kakala miau vava kayantika yala, mvu 17 kayala muna Yerusaleme, e mbanza ina Yave kasola muna makanda mawonso ma Isaele kimana kasia mo nkumbu andi. E nkumbu a ngudi a ntinu Nama wa musi Amone.+
14 Kansi, wavanga oma mambi, kadi kakala yo ntim’asikila ko muna vava Yave.+
15 Mambu ma lusansu lwa Rekabame, tuka kuna lubantiku yakuna mbaninu, nga ke masonama ko muna nkand’a Semaya+ wa ngunza ye muna nkand’a Ido+ wa moni, mun’owu wa tuvila? Vakedi kaka vita vana vena Rekabame yo Yerobame.+
16 Rekabame olele yo mase mandi, ozikilu muna Mbanz’a Davidi;+ mwan’andi Abiya+ okitukidi se ntinu vana fulu kiandi.
Mvovo vana yand'a lukaya
^ Yovo “Makasi mame ke mefusukila.”
^ Mvovo wa sina: “yimfumu.”
^ Yovo “lûmbu lwa.”
^ Mvovo wa sina: “atikuni; alundumuki.”