Wanzole wa Tusansu 14:1-15
14 Abiya olele yo mase mandi, banzikidi muna Mbanz’a Davidi;+ mwan’andi Asa oyantikidi yala vana fulu kiandi. Muna lumbu yandi e nsi yavuvama mvu kumi.
2 Asa wavanga mambu mambote ye mansongi vana meso ma Yave wa Nzambi andi.
3 Okatwidi maziku+ ma nzenza ye mabata, okosomwene malunzi mavauka+ yo bwisa mavindi mavauka.*+
4 Vana ntandu, ovovese Ayuda bavava Yave wa Nzambi a mase mau yo lunda Nsiku ye nkanikinu.
5 Okatwidi mabata ye maziku ma ndumbu muna mbanza zawonso za Yuda,+ e kintinu kiavuvama muna luyalu lwandi.
6 Otungidi mbanza zangolo muna Yuda,+ kadi e nsi yavuvama, ke mwakala vita ko muna mvu miami, kadi Yave wamvana vundu.+
7 Asa ovovese Yuda vo: “Yambula twatunga mbanza, twazunga zo e yaka ye nzo zandá,+ mavitu* ye mbindi. Kadi e nsi yeto, wau tuveve Yave wa Nzambi eto. Tuntombele, oyandi utuvene e vundu muna mbeni zeto zawonso zituzietele.” Dianu vo, batungidi e mbanza.+
8 Asa okedi ye vu kia 300.000 ma makesa ma Ayuda, bakedi ye ngubu zanene ye maswanga. Muna Benyamini mwakala ye 280.000 ma makesa mankuma bakedi ye ngubu zakete* ye mfumba.*+
9 I bosi, Zera wa Ntiopia wizidi ye 1.000.000 dia makesa ye 300 za makalu ma vita.+ Vava balweke kuna Maresa,+
10 o Asa ovaikidi muna kunuanisa, bakiatamene vana Ndimb’a Sefata kuna Maresa.
11 Asa ododokele Yave wa Nzambi andi,+ oku vo: “E Yave, ngeye kaka osadisanga awonso, diakala ndonga yovo awana bakondelo e ngolo.+ Utusadisa, e Yave wa Nzambi eto, kadi kwa ngeye tubundidi e vuvu,+ muna nkumbu aku twizidi nuanisina e ndonga yayi.+ E Yave, ngeye i Nzambi eto. Kuyambula ko vo muntu kasunda.”+
12 Ozevo, Yave otufakese Anetiopia vana vena Asa ye Yuda, Anetiopia batinini.+
13 Asa ye makesa mandi babalakamene yakuna Ngerare,+ bavondele Anetiopia, ke bavukisi muntu ko, kadi batufakeso kwa Yave ye makesa mandi. I bosi, Ayuda babakidi sanzu diayingi.
14 Batufakese mbanza zawonso zazieta Ngerare, kadi wonga wa Yave ubalwakidi; basanzidi mbanza zawonso, kadi sanzu diayingi diakala mo.
15 Batufakese mpe saba ye awana bakala ye twelezi, babakidi ulolo wa mameme ye samo, i bosi bavutukidi kuna Yerusaleme.
Mvovo vana yand'a lukaya
^ Tala Nsas’a Mvovo.
^ Mvovo wa sina: “yelo yole.”
^ Mvovo wa sina: “badiatanga mfumba.”
^ E ngubu zakete zisadilwanga kwa akwa mfumba.
