Wanzole wa Tusansu 19:1-11
19 Yosafate wa Ntinu a Yuda ovutukidi kuna luvuvamu+ kuna nzo andi* kuna Yerusaleme.
2 Yeu+ wa mwan’a Kanani+ wa moni wele kunkika, ovovele kwa Yosafate wa Ntinu vo: “Nga ofwete sadisa yimpumbulu+ yo zola awana bemenganga Yave?+ Muna kuma kiaki, Yave ufungidi kikilu makasi.
3 Kansi, omu ngeye musolokele mambu mambote,+ kadi okatwidi mavindi mavauka* muna nsi, okubikidi ntim’aku* muna tomba Nzambi aludi.”+
4 Yosafate okedi muna Yerusaleme. I bosi, wele tala diaka nkangu tuka Bere-seba yakuna zunga kia miongo mia Efaraime,+ kimana kabavutulwisa kwa Yave wa Nzambi a mase mau.+
5 Otumbikidi mpe afundisi muna nsi yamuna mbanza zawonso zangolo za Yuda.+
6 Ovovese afundisi vo: “Nutoma tala edi nuvanga, kadi e mfundisa eno ke ya muntu ko, ya Yave kaka, yandi una yeno muna mfundisa.+
7 Nuyambula vo vumi wa Yave wakala omu yeno.+ Nuyikenga muna dina nuvanga, kadi kuna kwa Yave wa Nzambi eto, ke kuna vilwa ko+ yovo sia mpambula,+ ngatu tambula mbabu.”+
8 Muna Yerusaleme, Yosafate otumbikidi mpe Anelevi akaka ye anganga ye ntu mia mase ma Isaele bakala se afundisi muna mfundu mia Yave yo zenga mambu ma nkangu a Yerusaleme.+
9 Ubakanikini vo: “I wau wuwu nuvanga muna vumi wa Yave, kuna ziku yo ntim’asikila:
10 Avo mpangi zeno ana bekalanga muna mbanza zau, banutwasidi mfundu mia mbungul’a menga+ yovo mfundu mia mambu ma nsiku, nkanikinu, mîna yovo nzengo, nubalonga, kimana balembi kala ye ngielele vana ndose a Yave; avo ke wau ko, makasi mandi mekala muna yeno ye muna mpangi zeno. I wau wuwu nuvanga, nualembi kala ye ngielele.
11 Tala, Amariya wa mbut’anganga i nkuluntu eno muna mambu mawonso ma Yave.+ O Zebadeya wa mwan’a Yisemaele, i ntu a nzo a Yuda muna mambu mawonso ma ntinu. Anelevi i akengi eno. Nukumama yo sala, yambula Yave kakala ye awana bevanganga mambu mambote.”+
Mvovo vana yand'a lukaya
^ Yovo “lûmbu lwandi.”
^ Tala Nsas’a Mvovo.
^ Yovo “osidi etima dia tomba.”
