Wanzole wa Tusansu 2:1-18
-
Nkubika za tunga e tempelo (1-18)
2 Solomo okanikini vo bayantika tungila e nkumbu a Yave+ e nzo* ye nzo a kintinu kiandi.+
2 Solomo osolele 70.000 ma asadi,* 80.000 ma awudi a matadi muna miongo+ ye 3.600 z’akengi bafilanga asadi.+
3 Solomo otumini nsangu kwa Kirami+ wa ntinu a Turo vo: “Umpangila una wavanga kwa Davidi wa se diame vava wantwikila mabaya ma nsedele katungila e nzo* yo kala mo.+
4 Nzolele tunga nzo mu kuma kia nkumbu a Yave wa Nzambi ame, yavaula yo, yayokelanga ndumbu a lekwa yansunga+ vana kena, yatambikilanga mbolo za lubakanisu,*+ tukau twangioka twa mene yo masika,+ muna Lumbu ya Vundu,+ muna nzangama za ngonde+ ye nsungi za nkinzi+ mia Yave wa Nzambi eto. Owau i nkanikinu wa mvu ke mvu kwa Isaele.
5 E nzo ina itunga yanene kikilu ikala, kadi o Nzambi eto osundidi nzambi zawonso.
6 Nani olenda kuntungila e nzo? Kadi e zulu ye zulu dia mazulu ke dilendi kumfwana ko,+ omono i nani yantungila nzo, avo ke fulu kiayokela kaka ndumbu ko vana kena?
7 Owau, untwikila nkwa ngangu ozeye sadila wolo ye palata ye nsongo+ ye sengwa ye mika mia se kia nduwa, nlele wambwaki ye nsinga mia se kia bule, ona ozeye salu kia bandula fwaniswa. Kasala ye akwa ngangu bena yame muna Yuda ye Yerusaleme, ana kakubika Davidi wa se diame.+
8 Untwikila mabaya ma nsedele, ma sipelese+ ye ma alengume,+ tuka kuna Lebanone, kadi nzeye wo vo ntaudi zaku bazeye kesa nti mia Lebanone.+ E ntaudi zame besala ntwadi ye ntaudi zaku+
9 bankubikila ulolo wa mabaya, kadi e nzo ina itunga yanene kikilu ikala.
10 Tala, ivana madia kwa ntaudi zaku,+ akesi a nti: 20.000 ma kore* ya witi, 20.000 ma kore ya bale, 20.000 ma bata* ya vinyu, 20.000 ma bata ya mazi.”
11 Kirami wa ntinu a Turo otwikidi nsangu ezi kwa Solomo muna nkanda: “Wau vo Yave ozolele nkangu andi, utumbikidi se ntinu au.”
12 Kirami ovovele vo: “Yambula Yave wa Nzambi a Isaele ona wavanga zulu ye ntoto kakembelwa, kadi ovene mwan’a ngangu kwa Davidi wa Ntinu,+ nkwa lulungalalu yo umbakuzi,+ katungila Yave e nzo ye nzo a kimfumu kiandi.
13 Owau ntwikidi nkwa ngangu yo umbakuzi, Kirami-abi+
14 wa mwan’a nkento mosi wa musi Anedani, se diandi musi Turo; ozeye sadila wolo, palata, nsongo, sengwa, matadi ye mabaya, nsinga mia mika mia se kia nduwa, nsinga mia se kia bule, nlele mimbote ye nsing’a mbwaki.+ Olenda bandula fwaniswa ya mpila zawonso yo sala konso salu kevewa.+ Osala ye akwa ngangu aku ye akwa ngangu a mfumu ame Davidi wa se diaku.
15 Owau, yambula mfumu ame katwika witi ye bale, mazi ye vinyu ina kasila o nsilu kwa ntaudi zandi.+
16 Tukesa nti mia Lebanone,+ konso mina ovuidi o mfunu, tukutwasila mio muna nlalu muna kalunga kuna Yafo;+ ongeye onata mio kuna Yerusaleme.”+
17 Solomo otangidi nzenza zawonso bena muna nsi a Isaele,+ wauna kavanga Davidi wa se diandi,+ lutangu lwau, 153.600.
18 Osolele muna yau, 70.000 ma asadi,* 80.000 ma awudi a matadi+ muna miongo ye 3.600 z’akengi a salu vana vena nkangu.+
Mvovo vana yand'a lukaya
^ Yovo “lûmbu.”
^ Yovo “anati a mazitu.”
^ Yovo “lûmbu.”
^ I sia vo, mbolo za lutambiku.
^ Yovo “anati a mazitu.”
