Wanzole wa Tusansu 20:1-37
20 Kuna kwalanda, Anemoabe+ yo Aneyamone+ ye akaka muna Amuni,* bezidi nuanisa Yosafate.
2 Bazayisi kwa Yosafate vo: “E ndong’ayingi izidi kunuanisa, itukidi kuna mvivu a mbu,* kuna Edome,+ owau bena kuna Kasasoni-tama, i sia vo, Engedi.”+
3 Muna diadi, Yosafate omwene wonga, osidi etima dia tomba Yave.+ Obokele nkoki a mfionkonona* muna Yuda yawonso.
4 Esi Yuda bakutakene bayuvula Yave;+ batukidi muna mbanza zawonso za Yuda bayuvula Yave.
5 Yosafate otelamene vana vena nkutakani a Yuda ye Yerusaleme, muna nzo a Yave, vana yanzala kiampa,
6 ovovele vo:
“E Yave wa Nzambi a mase meto, nga ka ngeye ko i Nzambi kuna zulu?+ Nga ka ngeye ko i nyadi a yimfumu yawonso ya zula?+ Muna koko kwaku i mwina ngolo yo nkuma, kavena muntu ko olenda kutelamena.+
7 E Nzambi eto, nga ka ngeye ko wayinga nkangu a nsi yayi vana vena nkangu aku Isaele yo vana yo se vua diakwele mvu kwa mbongo ya Abarayama wa nkundi aku?+
8 Bazingidi mo, batungidi mo e nzo avauka muna nkumbu aku,+ oku vo:
9 ‘Avo mbi itulwakidi, kana nsosolo yovo tumbu yovo vuku yovo mvengele, yambula twatelama ova nzo yayi ye vana ndose aku (kadi e nkumbu aku ina mwamu nzo yayi,)+ twabokela muna mpasi zeto, okutuwa yo kutuvuluza.’+
10 Tala Aneyamone ye Anemoabe y’esi zunga kia miongo mia Seyire,+ ana wakanikina Isaele vo balembi kubanuanisa vava bavaika muna Engipito. Aneyisaele babavengomoka, ke babafwasa ko.+
11 Owau tala una batusendele, bezidi batuyinga mwamu vua diaku dina watuvana se fwa dieto.+
12 E Nzambi eto, nga kukubafundisa ko e?+ Kadi katuna ye ngolo ko muna ndonga yayi yayingi itulwakidi; katuzeye ko dina tuvanga;+ o meso meto kwa ngeye kaka mena.”+
13 E ntangwa yayina, Ayuda awonso batelamene vana vena Yave, ye nsedia miau ye akazi au yo wan’au.*
14 I bosi, mwand’a Yave wizidi vana kati kwa nkutakani, muna Yakaziele wa mwan’a Zakariya wa mwan’a Benaya wa mwan’a Yiele, wa mwan’a Mataneya, wa Nlevi muna wan’a Asafi.
15 Ovovele vo: “Nuwinikina, yeno Ayuda awonso ye yeno esi Yerusaleme yo ngeye Yosafate wa Ntinu. I wau wuwu kanuvovese o Yave: ‘Ke numoni wonga ko ngatu vumiswa muna kuma kia ndonga yayi, kadi e vita ke yeno ko, ya Nzambi kaka.+
16 O mbazi nubakulumukina. Betomboka muna ntombok’a Sisi, nukubasolola kuna nsuk’a ndimba kuna makanga ma Yeruele.
17 Ke nunuana ko muna vita yayi. Nukiatama, nutelama,+ nutala una kekunuvuluzila o Yave.+ E Yuda ye Yerusaleme, ke numoni wonga ko ngatu vumiswa.+ O mbazi nubavaikila, kadi Yave okala yeno.’”+
18 Vana vau Yosafate ovumbamene ye ndose vana ntoto, Ayuda awonso y’esi Yerusaleme bafukamene vana vena Yave, basambidi Yave.
19 Anelevi bena vo Anekoate+ yo Anekora batelamene bakembele Yave wa Nzambi a Isaele muna nding’angolo.+
20 Muna lumbu kina kialanda, batelamene muna mene-mene, bele kuna makanga ma Tekoa.+ Una se bevaika, o Yosafate otelamene, ovovele vo: “Nungwa, e Yuda y’esi Yerusaleme! Nukwikila muna Yave wa Nzambi eno, nuakala ngwi. Nukwikila muna ngunza zandi,+ nuasikila.”
21 Vava kamokena yo nkangu, osolele wantu mu yimbidila+ Yave yo kunkembelela muna mvuatu miavauka ekolo bekwenda kuna ntwal’a vu kia makesa, oku vo: “Nuvana matondo kwa Yave, kadi o walakazi wandi wakwele mvu.”+
22 Vava bayantikidi yimbila yo kembela ye kiese kiawonso, o Yave ofididi wantu kimana baswekamena Aneyamone ye Anemoabe y’esi zunga kia miongo mia Seyire, ana bayiza nuanisa Yuda, dianu vo bayantika vondaziana.+
23 Aneyamone ye Anemoabe banuanisi esi zunga kia miongo mia Seyire+ kimana babavonda yo kubafukisa; vava bamana vonda esi Seyire, yau mpe bavondazianini.+
24 Ayuda vava balweke kuna yingidilu dia makanga,+ batadidi ndonga, bamwene kaka mavimbu vana ntoto;+ ke vavulukidi kana mosi ko.
25 Yosafate yo nkangu andi bezidi sanza e sanzu, basolwele ulolo wa mavua, mvuatu ye lekwa yantalu vana vena mavimbu, ina basanzidi se vua diau, ke balendele nata yawonso ko.+ Lumbu tatu bavanga muna nata e sanzu, kadi diayingi.
26 E lumbu kina kiaya balungalakene kuna Ndimb’a Beraka, kadi i kûna bakembele* Yave. I kuma bayikila e fulu kiakina vo Ndimb’a Beraka*+ yamu unu kiaki.
27 Ayuda awonso y’esi Yerusaleme yo Yosafate ona wakala kuna ntwal’au, bavutukidi kuna Yerusaleme ye kiese, kadi Yave ubamwesese kiese wau basundidi e mbeni zau.+
28 Balweke kuna Yerusaleme ye nsambi ye kokolo+ ye mpungi,+ bele kuna nzo a Yave.+
29 Yimfumu yawonso muna nsi ikedi yo wonga wa Nzambi, wau bawá vo Yave wanuanisa mbeni za Isaele.+
30 Dianu vo, e kintinu kia Yosafate kivuvamene, kadi Nzambi andi umvene vundu muna ndambu zawonso.+
31 Yosafate okwamanene yala muna Yuda. Mvu 35 kakala miau vava kayantika yala, mvu 25 kayala muna Yerusaleme. E nkumbu a ngudi andi Azuba wa mwan’a Sileki.+
32 Wadiatila muna nzil’a Asa+ wa se diandi. Kavengomoka mo ko, wavanga mambu mansongi vana meso ma Yave.+
33 Kansi, mabata ke makatulwa ko,+ o nkangu ke bakubika ntima miau ko muna tomba Nzambi a mase mau.+
34 Vo i mambu mankaka ma lusansu lwa Yosafate, tuka kuna lubantiku yakuna mbaninu, masonama muna lusansu lwasoneka Yeu+ wa mwan’a Kanani,+ luna lwasiwa muna Nkanda wa Ntinu mia Isaele.
35 I bosi, Yosafate wa Ntinu a Yuda okangidi kangu yo Akaziya wa Ntinu a Isaele, ona wavanganga mambu mambi.+
36 Owizane yandi bavanga e nzaza zenda kuna Tasisi,+ bavangidi e nzaza muna Esio-ngebe.+
37 Kansi, Elieze wa mwan’a Dodavau wa musi Maresa osakwidi mu kuma kia Yosafate vo: “Wau vo okangidi e kangu yo Akaziya, o Yave ofwasa salu yaku.”+ Muna diadi, e nzaza zadimuka,+ ke zayenda kuna Tasisi ko.
Mvovo vana yand'a lukaya
^ Nanga, “Aneyamuni.”
^ Nanga Mbu Afwa.
^ Yovo “mina nsoki.”
^ Mvovo wa sina: “wan’amakala.”
^ Mvovo wa sina: “basambwidi.”
^ Ina ye nsasa vo: “Nsambu.”
