Wanzole wa Tusansu 22:1-12
22 Esi Yerusaleme bayadikidi mwan’a nsuk’a Yorame se ntinu vana fulu kiandi, kadi buka kia asanzi ana bayiza y’esi Arabia muna ndo bamana vonda mbuta zawonso.+ Muna kuma kiaki, Akaziya wa mwan’a Yorame oyantikidi yala muna Yuda.+
2 Akaziya mvu 22 kakala miau vava kayantika yala, mvu mosi kayala muna Yerusaleme. E nkumbu a ngudi andi Ataleya+ wa ntekelo* a Omere+ wa Ntinu a Isaele.
3 Wakangalela muna nzila za nzo ya Akabi,+ kadi ngudi andi yandi wanlonganga mu vanga mambu mambi.
4 Wakwamanana vanga mambu mambi vana meso ma Yave, wauna wavanga e nzo ya Akabi, kadi vava se diandi kafwa bakituka se aludiki andi muna lufwasu lwandi.
5 Akaziya walanda malongi mau, wayenda kumosi yo Yorame wa mwan’a Akabi wa Ntinu a Isaele kuna Ramote-ngiladi,+ banuanisa Kazaele+ wa Ntinu a Suria, i kûna akwa nzanza balwekela Yorame.
6 Wavutuka kuna Yizerele+ kawukwa e mputa zina banlweka kuna Rama vava kanuanisa Kazaele wa Ntinu a Suria.+
Akaziya* wa mwan’a Yorame+ wa ntinu a Yuda wakulumuka kuna Yizerele kakingula Yorame+ wa mwan’a Akabi, kadi walwekwa.*+
7 Kansi, Nzambi watwasila Akaziya lufwasu wau kayenda kingula Yorame; vava kalwaka wavaika yo Yorame muna kwenda wanana yo Yeu+ wa ntekelo* a Nimesi ona Yave kakusa o mazi kimana kafukisa* e nzo ya Akabi.+
8 Yeu vava kayantika fwasa e nzo ya Akabi, wawanana ye akuluntu a Yuda yo wan’a mpangi za Akaziya, ana basadilanga Akaziya, wabavonda.+
9 I bosi, wayenda vava Akaziya; e selo yandi bambaka kuna Samaria kaswekamena, bantwasa kwa Yeu. Bamvonda yo kunzika,+ kadi bavova vo: “Yandi i ntekelo a Yosafate, ona watomba Yave ye ntim’andi wawonso.”+ Muna nzo ya Akaziya ke mwakala muntu ko wakala ye wisa kia tambula kintinu.
10 Ataleya+ wa ngudi Akaziya vava kamona vo mwan’andi ofwidi, watelama yo fwasa luvila lw’awonso lwa kintinu* kia nzo a Yuda.+
11 Kansi, Yosabate wa mwan’ankento a ntinu, wabonga Yoase+ wa mwan’a Akaziya vana vena wan’a ntinu ana bavondwanga, wansweka muna suku yo ndezi andi. Yosabate wa mwan’ankento a ntinu Yorame+ (nkaz’a Yoyada+ wa nganga ye nsang’a Akaziya) wakwamanana kunsweka mu kuma kia Ataleya, i kuma kalembi kumvondela.+
12 Waswekama yau mu mvu sambanu muna nzo a Nzambi aludi, ekolo Ataleya kayalanga e nsi.
Mvovo vana yand'a lukaya
^ Mvovo wa sina: “mwana.”
^ Yovo “yela kayela.”
^ Muna nkanda miankaka mia Kiyibere oyikilwanga vo “Azareya.”
^ Mvovo wa sina: “mwana.”
^ Mvovo wa sina: “kendona.”
^ Mvovo wa sina: “mbongo awonso ya kintinu.
