Wanzole wa Tusansu 26:1-23
26 O nkangu wawonso wa Yuda babongele Uziya+ wakala ye mvu 16 bankitwidi se ntinu vana fulu kia Amaziya+ wa se diandi.
2 O ntinu* vava kalele yo mase mandi,+ Uziya otungulwidi Elote,+ ovutwidi yo kwa Yuda.
3 Uziya+ mvu 16 kakala miau vava kayantika yala, mvu 52 kayala muna Yerusaleme. E nkumbu a ngudi andi Yekoleya wa musi Yerusaleme.+
4 Wavanga mambu mambote vana meso ma Yave, wauna kavanga Amaziya wa se diandi.+
5 Wakivana muna tomba Nzambi mu lumbu ya Zakariya ona wanlonga ovumina Nzambi aludi. Muna kolo kina katombanga Yave, o Nzambi aludi wansambulanga.+
6 Ovaikidi, wele nuanisa Afelesetia,+ obangwidi e yaka kia Ngati,+ yaka kia Yabene+ ye yaka kia Asedode.+ Otungidi mbanza muna mvivu a Asedode vana vena Afelesetia.
7 Nzambi aludi okwamanene kunsadisa mu nuanisa Afelesetia y’esi Arabia+ ana bazingilanga muna Ngura-bale ye Amuni.
8 Aneyamone+ bayantikidi futa vaku kwa Uziya. E tunda diandi dilweke yakuna Engipito, kadi okumamene kikilu.
9 Uziya otungidi mpe nzo zandá+ muna Yerusaleme vana Vitu dia Konko+ ye Vitu dia Ndimba+ ye vana Sikininua kia yaka, osiamisi zo.
10 Otungidi mpe nzo zandá+ muna makanga, otimini* sima yayingi (kadi twelezi yayingi kakala yau); i wau mpe kavanga muna Sefela ye muna ndimba. Wakala ye avati ye awana basadilanga muna mpatu za vinyu muna miongo ye kuna Kamele, kadi wazolanga salu kia mpatu.
11 Uziya okedi mpe ye vu kia makesa matoma kubikwa mu nuana e vita. Bavaikanga muna nuana e vita muna buka yatoma kubikwa. Batangwa yo sonekwa+ kwa Yiele wa nsoneki+ yo Maseya wa mfidi, muna lutumu lwa Kananiya wa mbanda-mband’a ntinu.
12 O lutangu lwawonso lwa ntu mia nzo za mase ana batuminanga makesa mama, 2.600.
13 Muna wisa kiau, mukedi ye 307.500 za makesa makubama muna vita, yau basadisanga ntinu mu nuana ye mbeni.+
14 Uziya ovene kwa vu kiawonso kia makesa, ngubu, maswanga,+ mpu za vita, yinkutu ya sengwa,+ matá ye nsinga mia tubila matadi.+
15 Ovangidi mpe masinu ma vita muna Yerusaleme, masokwa kwa akwa umbangu; basia mo muna nzo zandá+ ye muna konko ya yaka, masikila nzanza ye matadi mampwena. E nsangu za tunda diandi zalwaka kwandá, kadi watambula lusadisu lwampwena yo kumama.
16 Kansi, vava kakumamene, okitukidi nkwa lulendo,* muna lufwasu lwandi, okolamene Yave wa Nzambi andi, okotele muna tempelo a Yave kayoka e ndumbu vana ziku dia ndumbu.+
17 Vana vau, Azareya wa nganga ye 80 lwa nganga zankaka za Yave z’akwa unkabu, banlende.
18 Batelamène Uziya wa Ntinu, bamvovese vo: “E Uziya, ka ngeye ko ofwete yokela Yave e ndumbu!+ Anganga kaka bafwete yoka e ndumbu, kadi i wan’a Arone+ ana bavaulwa. Vaika mu nzo avauka, kadi osumukini, kutambula nkembo ko kwa Yave wa Nzambi wau ovangidi diambu diadi.”
19 Kansi, Uziya okedi ye yokelwa vana koko kwandi kayoka e ndumbu, ofungidi makasi;+ wau kamwenene anganga makasi, wazi+ uvaikidi vana mbunzu andi vana vena anganga muna nzo a Yave vana ndambu a ziku dia ndumbu.
20 Azareya wa mbut’anganga ye nganga zawonso, vava bavilukidi, bamwene vo obakamene wazi vana mbunzu. Bamvaikisi mu nzaki kuna mbazi, yandi mpe ovaikidi mu nzaki, kadi Yave unwende.
21 Uziya wa Ntinu wakala ye wazi yamuna lumbu kia lufwa lwandi, muna kuma kia wazi,+ yandi mosi kaka kakalanga muna nzo, kadi wayingwa muna nzo a Yave. Yotame wa mwan’andi wakala ye kiyekwa kia nzo a* ntinu yo fundisa nkangu a nsi.+
22 Mambu mankaka ma lusansu lwa Uziya, tuka kuna lubantiku yakuna mbaninu, masonekwa kwa Yesaya+ wa ngunza wa mwan’a Amoze.
23 I bosi, Uziya olele yo mase mandi, banzikidi vana fulu kiaziama mase mandi, kansi kuna mbazi a ziami ki’atinu, kadi bavovele vo: “Nkwa wazi kwandi.” Yotame+ wa mwan’andi oyantikidi yala vana fulu kiandi.
Mvovo vana yand'a lukaya
^ I sia vo, se diandi Amaziya.
^ Nanga muna nsenzele.
^ Yovo “o ntim’andi uzangukidi.”
^ Yovo “lûmbu lwa.”
