Wanzole wa Tusansu 27:1-9
-
Yotame, ntinu a Yuda (1-9)
27 Yotame+ mvu 25 kakala miau vava kayantika yala, mvu 16 kayala muna Yerusaleme. E nkumbu a ngudi andi Yerusa wa mwan’a Sadoke.+
2 Wavanga mambu mambote vana meso ma Yave wauna kavanga Uziya wa se diandi,+ kansi yandi kakota muna tempelo ya Yave ko mu kingolo.+ Kansi o nkangu mambu mambi kaka bavanganga.
3 Ovangidi vitu dia ntandu dia nzo a Yave+ yo tunga nzo zayingi vana yaka kia Ofele.+
4 Otungidi mpe mbanza+ muna zunga kia miongo mia Yuda,+ otungidi nzo zangolo+ ye nzo zandá+ muna mfinda.
5 Wanuana vita yo ntinu a Aneyamone+ yo kubasunda, muna mvu wauna Aneyamone bamvana 100 talanta* za palata, 10.000 ma nzongo* mia witi, 10.000 ma nzongo mia bale. Aneyamone bamfuta diaka lekwa yayi muna mvu wazole yo una watatu.+
6 Ozevo, Yotame wakumama kikilu, kadi wasikidisa* nzila zandi vana vena Yave wa Nzambi andi.
7 Vo i mambu mankaka ma lusansu lwa Yotame, vita zandi zawonso ye ngienda zandi, zasonama muna Nkanda wa Ntinu mia Isaele ye Yuda.+
8 Yotame mvu 25 kakala miau vava kayantika yala, mvu 16 kayala muna Yerusaleme.+
9 I bosi, Yotame olele yo mase mandi, banzikidi muna Mbanz’a Davidi.+ Akazi wa mwan’andi oyantikidi yala vana fulu kiandi.+
Mvovo vana yand'a lukaya
^ Yovo “wakubika.”
