Wanzole wa Tusansu 3:1-17
3 Solomo oyantikidi tunga nzo a Yave+ muna Yerusaleme vana Mongo a Moria,+ vana Yave kamonekena kwa Davidi wa se diandi,+ vana fulu kina kakubika Davidi, vana bundilu dia Orenane+ wa Nyebuse.
2 Oyantikidi tunga muna lumbu kina kiazole kia ngonde ina yazole ya mvu una wa nyá wa luyalu lwandi.
3 E nkubilwa ina kakuba Solomo muna tunga nzo a Nzambi aludi, yinkoso 60 yakala muna lambuka, yikonso 20 muna sanzuka,+ landila tezelo yankulu.*
4 E veta kiakala kuna ntwala, o lambuka kwandi yinkoso 20, kwafwanana yo lambuka kwa nzo,* o lá kwandi 120;* olengele yo wolo walembi sangwa lekwa muna kati.+
5 Ofukidi nzo ampwena ye mabaya ma sipelese muna kati, i bosi olengele yo wolo wakenzwa,+ obandwidi mo fwaniswa ya maba+ ye tuvambu.+
6 Vana ntandu, oviengese nzo ye matadi mantalu mantoko;+ yo wolo+ kasadidi kuna Parevaime watuka.
7 Olengele wolo muna nzo, mvuambu, sumbuka ya mielo, yaka yandi ye yelo yandi;+ obandwidi akelubi muna yaka.+
8 Ovangidi suku dia Fulu Kisundidi o Vauka;*+ o lambuka kwandi kwafwanana yo sanzuka kwa nzo, yinkoso 20, o sanzuka kwandi mpe yinkoso 20. Olengele yo 600 za talanta* za wolo wakenzwa.+
9 E zitu dia wolo wa nsonso 50 ma sekele;* olengele wolo muna masuku mantandu.
10 Ovangidi e teke yole y’akelubi muna suku dia Fulu Kisundidi o Vauka,* olengele yo wolo.+
11 E mave m’akelubi,+ yinkoso 20 muna lambuka; e ve dimosi dia nkelubi antete, yinkoso tanu, diviakane e yaka kia nzo, e ve diankaka yinkoso tanu, diviakane e ve dia nkelubi ankaka.
12 E ve dia nkelubi ankaka yinkoso tanu, diviakane e yaka kiankaka kia nzo, e ve diankaka yinkoso tanu, ditotakene ve dia nkelubi antete.
13 E mave m’akelubi awaya mayalumukini yinkoso 20; batelama, e ndose zau zitadidi muna nzo.*
14 Ovangidi mpe rido+ muna nsing’a se kia bule, nsinga mia mika mia se kia nduwa, nsinga mia mbwaki ye lino, obandwidi mo fwaniswa y’akelubi.+
15 Ovangidi vana ntwal’a nzo, malunzi mole+ ma yinkoso 35 muna lá, o ntu vana ntandu a konso lunzi, yinkoso tanu.+
16 Ovangidi tuvambu nga nlunga, osidi mio vana ntu mia malunzi, ovangidi 100 bundu ya nganata* osidi yo muna tuvambu.
17 Otelamese malunzi vana ntwal’a tempelo, dimosi kuna lunene,* diankaka kuna lumonso;* oyikidi dina dialunene e nkumbu a Yakini,* dina dialumonso, Boaze.*
Mvovo vana yand'a lukaya
^ E kinkoso kiasikidiswa centimetro 44,5 kiakalanga, kansi akaka bevovanga vo muna “tezelo yankulu” i kinkoso kia lambuka, kina ye centimetro 51,8. Tala Nku. B14.
^ E tezelo ke kizayakene ko.
^ Yovo “yinkoso 20 muna lambuka, betela yakala yo lambuka kwa nzo.”
^ Yovo “nzo avauka.”
^ Yovo “nzo Isundidi o Vauka.”
^ I sia vo, vana Fulu kia Vauka.
^ I sia vo, bundu kina nze ngavua yovo mfuluta.
^ Yovo “oku sude.”
^ Yovo “kuna node.”
^ Ina ye nsasa vo: “Yandi, [i sia vo, Yave] Katoma Sikidisa.”
^ Ina ye nsasa vo: “Muna Ngolo.”
