Wanzole wa Tusansu 30:1-27
-
Kizekeya okembelele Nduta (1-27)
30 Kizekeya otwikidi nsamu muna Isaele+ yawonso ye Yuda, osonekene mpe nkanda kwa Eferaime yo Manase+ vo beza muna nzo a Yave kuna Yerusaleme, bakembela e Ndut’a Yave wa Nzambi a Isaele.+
2 O ntinu ye akuluntu andi ye nkutakani yawonso muna Yerusaleme babakidi e nzengo za kembela e Nduta muna ngonde yazole,+
3 kadi ke balenda yo kembelela ko muna ntangwa yasikidiswa,+ kadi ke vakala ye nganga zafwana ko muna zina zakivaula,+ ngatu nkangu wakutakana muna Yerusaleme.
4 E diambu diadi dimonekene vo diambote vana meso ma ntinu ye nkutakani yawonso.
5 Muna kuma kiaki, babokelese nkoki muna Isaele, tuka kuna Bere-seba yakuna Dani,+ vo nkangu wawonso wiza kembela e Ndut’a Yave wa Nzambi a Isaele kuna Yerusaleme, kadi ke balungalakananga diaka ko muna kembelela yo nze una wasonama.+
6 Ozevo, anati a nsangu* bele muna Isaele yawonso ye Yuda, banete nkanda mia ntinu ye mia akuluntu andi, wauna ntinu kakanikina, oku vo: “E nkangu a Isaele, nuvutuka kwa Yave wa Nzambi a Abarayama, Isaki yo Isaele, kimana yandi mpe kavutuka kwa nsadiswa batina vana moko m’atinu a Asuri.+
7 Ke nukadi nze mase meno ko ye mpangi zeno ana bakolamena Yave wa Nzambi a mase mau, dianu kabakitulwila se lekwa kia kenonokena, nze una numwene.+
8 Ke nubadisi ntima ko nze mase meno.+ Nuyikulula vana vena Yave, nuiza mu nzo andi avauka+ ina kavaula yakwele mvu, nusadila Yave wa Nzambi eno kimana nsita za makasi mandi zakatuka omu yeno.+
9 Kadi avo nuvutukidi kwa Yave, mpangi zeno yo wana eno befwilwa e nkenda kwa awana babaka,+ bekubayambula bavutuka mwamu nsi yayi,+ kadi Yave wa Nzambi eno nkwa ngemba ye nkenda,+ ke vilula ndose andi oku nuina ko avo nuvutukidi kwa yandi.”+
10 Muna kuma kiaki, anati a nsangu* bele muna mbanza zawonso muna nsi a Eferaime ye Manase,+ bele mpe muna Zebulune, kansi nkangu babasevele ye kubasakanena.+
11 Kansi, akaka muna Asere, Manase ye Zebulune bayikulwidi, bezidi muna Yerusaleme.+
12 O koko kwa Nzambi aludi kukedi mpe muna Yuda mu kubayikanesa e ngindu* bavanga dina bakanikinua kwa ntinu ye akuluntu, landila diambu dia Yave.
13 E ngonde ina yazole,+ nkangu ayingi ulungalakene kuna Yerusaleme muna kembelela Lambu dia Mbolo Zakondwa Mfuna;+ nkutakani anene yakala.
14 Batelamene, bakatwidi maziku makala muna Yerusaleme,+ bakatwidi maziku+ mawonso ma ndumbu, batubidi mo kuna Ndimb’a Kiderone.
15 Bavondele meme dia Nduta kina kia 14 kia ngonde yazole. Anganga ye Anelevi bamwene nsoni, dianu vo bayivaudi, batwese tukau twangioka muna nzo a Yave.
16 Bavutukidi muna fulu yau mun’owu wa Nsiku a Mose wa muntu a Nzambi aludi; i bosi anganga bazazidi menga+ mana batambwidi vana moko ma Anelevi.
17 Ndonga muna nkutakani ke bakivaula ko, Anelevi yau bakala ye kiyekwa kia vonda mameme ma Nduta ma wantu awonso ana balembi kivaula+ kimana babavaula kwa Yave.
18 Kadi ndonga muna nkangu, musungula muna Eferaime, Manase,+ Yisakare ye Zebulune, ke bakivaula ko, kansi badidi e Nduta, bakulwidi dina diasonama. Kansi, Kizekeya osambidi mu kuma kiau, oku vo: “E Yave wambote,+ loloka
19 awonso bakubikidi ntima miau muna tomba Nzambi aludi+ wa Yave wa Nzambi a mase mau, kana una vo ke bakivelelese ko mun’owu wa nkanikinu wa kuyivaula.”+
20 Yave owididi Kizekeya, ololokele* nkangu.
21 Aneyisaele ana bakala muna Yerusaleme bakembelele Lambu dia Mbolo Zakondwa Mfuna+ mu lumbu nsambwadi ye kiese kiawonso,+ Anelevi ye nganga bakembele Yave lumbu ke lumbu yo sikila Yave masikilu.+
22 Vana ntandu, Kizekeya wakasakesa* Anelevi awonso ana basadidi Yave kuna lulungalalu. Badia e lambu mu lumbu nsambwadi,+ bakelele yimenga ya ungudi+ yo vutula matondo kwa Yave wa Nzambi a mase mau.
23 Nkutakani yawonso ibakidi nzengo za dia diaka e lambu muna lumbu nsambwadi, dianu vo badidi dio diaka kuna kiese muna lumbu nsambwadi.+
24 Kizekeya wa Ntinu a Yuda ovene 1.000 dia ngombe ye 7.000 ma mameme kwa nkutakani, akuluntu bavene 1.000 dia ngombe ye 10.000 ma mameme kwa nkutakani;+ nganga zayingi bakivaudi.+
25 E nkutakani yawonso ya Yuda, anganga, Anelevi ye nkutakani yawonso yatuka muna Isaele+ ye nzenza+ zatuka muna nsi a Isaele ye ana bazingilanga muna Yuda, bamwene kiese.
26 Mukedi kiese kiayingi muna Yerusaleme, kadi tuka muna lumbu ya Solomo wa mwan’a Davidi wa ntinu a Isaele, ke musidi vangama diambu dia mpila yayi ko muna Yerusaleme.+
27 Anelevi bena vo anganga, batelamene, basambwidi nkangu;+ Nzambi owidi e nding’au, e sambu kiau kilweke kuna fulu kiandi kiavauka, kuna zulu.
Mvovo vana yand'a lukaya
^ Mvovo wa sina: “alundumuki.”
^ Mvovo wa sina: “alundumuki.”
^ Mvovo wa sina: “ubavene ntima mosi.”
^ Mvovo wa sina: “owukidi.”
^ Mvovo wa sina: “ovovele muna ntima mia.
