Wanzole wa Tusansu 35:1-27
35 Yosiya okubikidi Ndut’a+ Yave muna Yerusaleme, e bulu ya kimenga kia Nduta+ ivondelo kina kia 14 kia ngonde yantete.+
2 Osidi anganga muna fulu yau ya salu, ubakasakese basala e salu kiau muna nzo a Yave.+
3 Ovovese Anelevi, alongi a Isaele yawonso,+ awana bavaulwa vana vena Yave: “Nusia Nkela avauka muna nzo ina Solomo wa mwan’a Davidi wa ntinu a Isaele katunga;+ ke lunatina yo diaka vana mavembo ko.+ Owau nusadila Yave wa Nzambi eno ye nkangu andi Isaele.
4 Nukubama muna buka yeno ya salu, mun’owu wa nzo za mase meno, nulanda mana masonekwa kwa Davidi wa Ntinu+ a Isaele ye kwa mwan’andi Solomo.+
5 Nutelama vana fulu kieno kiavauka muna buka ya nzo za mase ma mpangi zeno, nsadiswa za nkangu,* konso nzo a mase ma Anelevi ifwete kala muna buka kiau.
6 Nuvonda bulu ya kimenga kia Nduta,+ nuyivaula, nukubikila mpangi zeno e Nduta kimana balungisa e diambu dia Yave dina kavova muna Mose.”
7 Yosiya ovene twelezi kwa nkangu wakala vâna, 30.000 ma wan’a mameme a makoko ye nkombo za makoko ye 3.000 ma ngombe mu kuma kia kimenga kia Nduta. Yawonso yayi muna mavua ma ntinu yatuka.+
8 Akuluntu andi mpe bavene lukau lwa mvevo kwa nkangu, anganga ye Anelevi. Kilekiya,+ Zakariya yo Yekiele, ntu mia nzo a Nzambi aludi, bavene kwa anganga 2.600 za bulu ya yimenga ya Nduta ye 300 za ngombe.
9 Konaniya ye mpangi zandi, Semaya yo Netanele kumosi yo Kasabiya, Yiele yo Yozabade, akuluntu Anelevi bavene kwa Anelevi 5.000 ma bulu ya kimenga kia Nduta ye 500 za ngombe.
10 E salu kiakubikwa, nganga batelama muna fulu yau ya salu, Anelevi muna buka yau+ wauna ntinu kakanikina.
11 Bavondele bulu ya kimenga kia Nduta,+ anganga bazazidi menga batambwidi kwa yau,+ ekolo Anelevi bakatulanga e nkanda muna bulu.+
12 I bosi bakubikidi tukau twangioka kimana bakaya to kwa nkangu, ana bakutakene mun’owu wa nzo za mase, kimana batambika to kwa Yave wauna diasonama muna nkand’a Mose; bavangidi diau dimosi ye ngombe.
13 Balambidi* mbizi ya lukau lwa Nduta vana tiya wauna wasikidiswa;+ balambidi e mbizi ya tukau twavauka muna nzungu, yinzu yatuma ye kadingwa, i bosi banete yo kwa nkangu mu nzaki.
14 I bosi, bakubikidi mbizi ya Nduta ya yau kibeni ye anganga, kadi anganga, wan’a Arone, batambikanga tukau twangioka yo mazi yavana kuma kwafwanga. I dianu vo, Anelevi bakubikidi mbizi ya Nduta mu kuma kia yau kibeni ye anganga, wan’a Arone.
15 Wan’a Asafi+ bena vo ayimbidi, bakedi muna fulu yau wauna kakanikina Davidi,+ Asafi,+ Emane yo Yedutune+ wa moni a ntinu; ayingidi bakedi muna mavitu maswaswana.+ Ke diakala mfunu ko bayambula salu kiau, kadi mpangi zau, Anelevi babakubikila Nduta.
16 Ozevo, muna lumbu kiakina mawonso ma salu kia Yave makubikwa mpasi vo badia Nduta+ yo tambika tukau twangioka vana ziku dia Yave, wauna kakanikina Yosiya wa Ntinu.+
17 Aneyisaele ana bakala muna ntangwa yayina, badia Nduta ye Lambu dia Mbolo Zakondwa Mfuna mu lumbu nsambwadi.+
18 Ke mwasala vangama Nduta ya mpila yayina ko muna Isaele tuka muna lumbu ya Samuele wa ngunza; ke vakala mpe ntinu ankaka ko a Isaele wakubika Nduta nze ina yakubikwa kwa Yosiya,+ anganga, Anelevi ye Yuda yawonso ye nkangu a Isaele una wakala ko y’esi Yerusaleme.
19 E Nduta yayi yavangama muna mvu wa 18 wa luyalu lwa Yosiya.
20 Kuna kwalanda, Yosiya vava kavangulula tempelo,* Neko wa Ntinu+ a Engipito otombokele kanuanisa Kankemisi kuna Uferate. Ozevo, Yosiya ovaikidi kanuanisa.+
21 Untwikidi anati a nsangu, oku vo: “E ntinu a Yuda, nkia diambu una diau? Ke ngeye ko ngizidi nuanisa o unu, kansi nzo ankaka ngizidi nuanisa, o Nzambi umpovese vo yasia nswalu. Muna wete diaku, yambula telamena Nzambi ona una yame, avo kuwidi ko, okutwasila lufwasu.”
22 Kansi, Yosiya kayambwidi kunuanisa ko, uyikitwidi kimana balembi kunzayidila,+ wele nuana yandi; kawididi mvovo mia Neko ko, kadi kwa Nzambi miatuka.* Dianu vo wele nuana vana Ndimb’a Mengido.+
23 Akwa maswanga batelese Yosiya wa Ntinu, ntinu ovovese ntaudi zandi vo: “Nunkatula vava, kadi nduele kikilu.”
24 Ntaudi zandi bankatwidi muna kalu dia vita, bansidi muna kalu diandi dianzole, bantwese kuna Yerusaleme. I bosi, ofwidi, ozikilu muna ziami kia mase mandi,+ Yuda yawonso ye Yerusaleme, badididi Yosiya.
25 Yeremiya+ obongele Yosiya mbembo, ayimbidi awonso, akala ye akento+ beyimbidilanga Yosiya muna maniongo* mau yamu unu kiaki; diasikidiswa vo o nkunga wau wayimbilwanga muna Isaele, wasonama muna maniongo.
26 Vo i mambu mankaka ma lusansu lwa Yosiya, walakazi una kasonga yo kwamanana lunda mana masonama muna Nsiku a Yave
27 ye mawonso kavanga tuka kuna lubantiku yakuna mbaninu, masonama muna Nkanda wa Ntinu mia Isaele ye Yuda.+
Mvovo vana yand'a lukaya
^ Mvovo wa sina: “wan’a nkangu.”
^ Nanga, “Bayangidi e.”
^ Mvovo wa sina: “nzo.”
^ Mvovo wa sina: “mu nu’a Nzambi miatuka.”
^ Yovo “nkung’a mafwa.”
