Wanzole wa Tusansu 5:1-14
5 Muna mpila yayi Solomo omanisi e salu yawonso kasala mu kuma kia nzo a Yave.+ Solomo okotese mo lekwa ina Davidi wa se diandi kavaula,+ osidi palata, wolo ye salanganu yawonso muna malundilu ma nzo a Nzambi aludi.+
2 Muna ntangwa yayina, Solomo okutakese akuluntu awonso a Isaele, ntu mia makanda ye mfumu za nzo za mase ma Isaele. Bezidi kuna Yerusaleme kimana banata e nkel’a kangu dia Yave tuka muna Mbanz’a Davidi,+ i sia vo, Zione.+
3 Nkangu wawonso a Isaele ukutakene vana vena ntinu muna kembelela nkinzi* wavangamanga muna ngonde yansambwadi.+
4 Akuluntu awonso a Isaele bezidi, Anelevi bazangwidi e Nkela.+
5 Batombwele e Nkela, saba kia wananina+ ye salanganu yawonso yavauka yakala muna saba. Anganga yo Anelevi* batombokele yau.
6 Solomo wa Ntinu ye nkutakani yawonso ya Isaele ina yabokeleswa kimana bawanana yandi, bakedi vana ntwal’a Nkela. Batambikidi yimenga yayingi ya mameme ye ngombe+ zakondwa lutangu.
7 Anganga bakotese nkel’a kangu dia Yave vana fulu kiandi, muna suku dia kati, i sia vo, Fulu Kisundidi o Vauka, basidi yo kuna nsi a mave ma akelubi.+
8 E mave ma akelubi mayalumuka vana ntandu a fulu kiakala e Nkela, dianu vo akelubi bafukidi Nkela ye mbindi zandi za natina yo.+
9 Wau vo e mbindi zandi zandá zakala, e nsuka zandi zamonekanga vana Fulu kiavauka, vana ntwal’a suku dia kati, kansi ke zamonekanga ku mbazi ko. E mbindi zazi zina mûna yamu unu kiaki.
10 Ke mwakala lekwa ko muna Nkela, babu yole ya matadi kaka ina Mose kasia mo kuna Korebe+ vava Yave kakanga e kangu+ yo nkangu a Isaele vava bavaika muna Engipito.+
11 Anganga vava bavaika muna fulu kiavauka (kadi nganga zawonso ana bakala vo bayivelelesa,+ kiakala nkia buka bena),+
12 ayimbidi awonso a Anelevi+ ana bafilwanga kwa Asafi,+ Emane,+ Yedutune+ yo wan’au amakala ye mpangi zau, bavuete nlele mia lino ye yimbalu, nsambi ye kokolo; batelamene kuna este a ziku, kumosi ye 120 ma nganga basikanga mpungi.+
13 Asiki a mpungi ye ayimbidi bakembele yo tonda Yave kumosi, e zú dia mpungi, yimbalu ye zú dia masikilu mankaka diwakane vava bakembele Yave, oku vo “oyandi wambote; kadi o walakazi wandi wakwele mvu,”+ e nzo, e nzo a Yave izele ye tuti.+
14 Muna kuma kia tuti, anganga ke balenda mo telama ko basala e salu yau, kadi nkembo a Yave wazala muna nzo a Nzambi aludi.+
